കോടതിക്കെട്ടിടത്തില്‍ നിന്നു ചാടി രക്ഷപ്പെടാന്‍ ശ്രമിച്ച ബലാല്‍സംഗക്കേസ് കുറ്റവാളി മരിച്ചു

ചിത്രദുര്‍ഗ(കര്‍ണാടക): ബലാല്‍സംഗക്കേസില്‍ 10 വര്‍ഷത്തെ തടവിനു ശിക്ഷിച്ച കുറ്റവാളി കോടതിക്കെട്ടിടത്തില്‍ നിന്നു ചാടി രക്ഷപ്പെടാന്‍ ശ്രമിക്കവെ മരിച്ചു. സുനില്‍(35) ആണ് മരിച്ചത്. ഇദ്ദേഹത്തോടൊപ്പം ചാടിയ കൂട്ടു പ്രതി വീരഭദ്രയെ ഗുരുതര പരിക്കുകളോടെ ആശുപത്രിയില്‍ പ്രവേശിപ്പിച്ചു. കേസിലെ ശിക്ഷ വിധിക്കുന്ന ദിവസം പോലിസ് ഇരുവരെയും കോടതിയില്‍ ഹാജരാക്കിയതായിരുന്നു. ഉച്ചയോടെ കോടതി ശിക്ഷ വിധിച്ച ശേഷം പുറത്തിറങ്ങിയ ഇരുവരും, രക്ഷപ്പെടാനായി കോടതിയുടെ ഒന്നാം നിലയില്‍ നിന്നും എടുത്തു ചാടുകയായിരുന്നു. സുനിലും വീരഭദ്രനുമടക്കം ആറപേരാണ് കേസിലെ കുറ്റവാളികള്‍.