16കാരിക്കു ലൈംഗികപീഡനം; നഗരസഭാ കൗണ്‍സിലര്‍ക്കെതിരേ പോക്‌സോ

മലപ്പുറം: 16കാരിയെ ലൈംഗികമായി പീഡിപ്പിച്ചെന്ന പരാതിയില്‍ മലപ്പുറം വളാഞ്ചേരി നഗരസഭാ കൗണ്‍സിലര്‍ക്കെതിരേ കേസ്. വട്ടപ്പാറ വാര്‍ഡ് കൗണ്‍സിലറും സിപിഎം സ്വതന്ത്രനുമായ ശംസുദ്ദീനെതിരേയാണ് പോലിസ് പോക്‌സോ ചുമത്തി കേസെടുത്തത്. എസ്എസ്എല്‍സിക്കു പഠിക്കുമ്പോള്‍ മുതല്‍ പെണ്‍കുട്ടിയുമായി ഷംസുദ്ദീന്‍ അടുപ്പം കാണിക്കുകയും പല തവണ പെണ്‍കുട്ടിയെ പീഡിപ്പിക്കുകയും ചെയ്‌തെന്ന പരാതിയിലാണ് നടപടി. പെണ്‍കുട്ടിയുടെ സഹോദരിയാണ് പെണ്‍കുട്ടിയേയും കൂട്ടി ചൈല്‍ഡ് ലൈനിലെത്തി പരാതി നല്‍കിയത്. തുടര്‍ന്ന് ചൈല്‍ഡ് ലൈന്‍ പരാതി കലക്ടര്‍ക്കും മലപ്പുറം ജില്ലാ പോലിസ് ചീഫിനും കൈമാറുകയായിരുന്നു. തിരൂര്‍ ഡിവൈഎസ്പിക്കാണ് അന്വേഷണ ചുമതല. ശംസുദ്ദീന്‍ ഒളിവിലാണെന്നാണു പോലിസ് പറയുന്നത്.