ആലപ്പുഴ ജില്ലയില്‍ ഇന്ന് 1984 പേര്‍ക്ക് കൊവിഡ്;ടെസ്റ്റ് പോസിറ്റിവിറ്റി നിരക്ക് 17.32 %

ആലപ്പുഴ: ആലപ്പുഴ ജില്ലയില്‍ ഇന്ന് 1984 പേര്‍ക്ക് കൊവിഡ് സ്ഥിരീകരിച്ചു. 17.32 ആണ് ടെസ്റ്റ് പോസിറ്റിവിറ്റി നിരക്ക്. 1780 പേര്‍ ജില്ലയില്‍ ഇന്ന് രോഗമുക്തരായി. ഇന്ന് രോഗം സ്ഥിരീകരിച്ച 1977 പേര്‍ക്കും സമ്പര്‍ക്കത്തിലൂടെയാണ് രോഗം ബാധിച്ചത്.

മൂന്നു പേരുടെ സമ്പര്‍ക്ക ഉറവിടം വ്യക്തമല്ല. രണ്ടുപേര്‍ വിദേശത്തു നിന്നും രണ്ടു പേര്‍ മറ്റ് സംസ്ഥാനത്തു നിന്നും എത്തിയതാണ്. ജില്ലയില്‍ ഇതുവരെ ആകെ 1,49,771 പേര്‍ രോഗമുക്തരായി. 20,008 പേര്‍ ചികില്‍സയിലുണ്ട്.