കെഎസ്ആർടിസി മിന്നൽ സമരം: വിശദ റിപോർട്ട് ഉടൻ നൽകുമെന്ന് കലക്ടർ

തിരുവനന്തപുരം: തലസ്ഥാനത്തെ നിശ്ചലമാക്കിയ കെഎസ്ആർടിസി മിന്നൽ സമരവുമായി ബന്ധപ്പെട്ട വിശദമായ റിപ്പോർട്ട് രണ്ടു ദിവസത്തിനകം സർക്കാരിന് കൈമാറുമെന്ന് തിരുവനന്തപുരം ജില്ലാ കലക്ടർ കെ ഗോപാലകൃഷ്ണൻ അറിയിച്ചു. പ്രാഥമിക റിപ്പോർട്ട് കൈമാറിയിട്ടുണ്ട്.

വിശദ റിപ്പോർട്ട് തയ്യാറാക്കുന്നതിന്റെ ഭാഗമായി പ്രശ്‌നമുണ്ടായ സ്ഥലങ്ങൾ സന്ദർശിച്ചു. സിസിടിവി ദൃശ്യങ്ങൾ പരിശോധിക്കുന്നു. പോലിസിൽ നിന്നും കെഎസ്ആർടിസി അധികൃതരിൽ നിന്നും വിവരങ്ങൾ തേടി. ജനജീവിതം സ്തംഭിപ്പിക്കുന്ന പ്രവൃത്തിയുണ്ടായത് ഗൗരവമായാണ് കാണുന്നത്. എസൻഷ്യൽ സർവീസ് മെയിന്റനൻസ് ആക്ട് (എസ്മ) പ്രകാരമുള്ള നടപടികൾക്ക് റിപ്പോർട്ടിൽ ശുപാർശ ചെയ്യുമെന്നും കലക്ടർ പറഞ്ഞു.