ബന്ധുനിയമന പരാതി ലോകായുക്തയില്‍; ഡയറക്ടര്‍ ജനറല്‍ ഓഫ് പ്രോസിക്യൂഷന്‍ ഹാജരാവണം

തിരുവനന്തപുരം: മന്ത്രി കെ ടി ജലിലിനെതിരായ ബന്ധുനിയമന കേസില്‍ ഡയറക്ടര്‍ ജനറല്‍ ഓഫ് പ്രോസിക്യൂഷന്‍ ഹാജരാവാന്‍ ലോകായുക്തയുടെ നിര്‍ദേശം. കേസ് വീണ്ടും പരിഗണിക്കുന്ന വെള്ളിയാഴ്ച ഹാജരാവണം. മന്ത്രിയെ സ്ഥാനത്തുനിന്ന് നീക്കി അന്വേഷണം ആവശ്യപ്പെട്ട് യൂത്ത്‌ലീഗ് നല്‍കിയ ഹരജിയിലാണ് നിര്‍ദ്ദേശം. തവനൂര്‍ സ്വദേശി മുഹമ്മദ് ഷാഫിയാണ് ഹരജി നല്‍കിയത്.

കേസ് വീണ്ടും പരിഗണിക്കുമ്പോള്‍ ഡയറക്ടര്‍ ജനറല്‍ ഓഫ് പ്രോസിക്യൂഷന്‍ മഞ്ചേരി ശ്രീധരന്‍ നായര്‍ ഹാജരാവുമെന്ന് സര്‍ക്കാര്‍ അഭിഭാഷകന്‍ ലോകായുക്തയെ അറിയിച്ചു. ഹരജി ഫയലില്‍ സ്വീകരിക്കുന്നതില്‍ വാദത്തിനായി സമയം വേണമെന്നും സര്‍ക്കാര്‍ അഭിഭാഷകന്‍ ലോകായുക്തയില്‍ ആവശ്യപ്പെട്ടു.