തിരുവനന്തപുരത്ത് വീട്ടമ്മ ഭര്‍ത്താവിന്റെ കുത്തേറ്റു മരിച്ചു

തിരുവനന്തപുരം: തിരുവനന്തപുരത്ത് വീട്ടമ്മ ഭര്‍ത്താവിന്റെ കുത്തേറ്റു മരിച്ചു. തടയാന്‍ ശ്രമിച്ച ഭാര്യാ പിതാവിനും മതാവിനും കുത്തേറ്റു. വട്ടിയൂര്‍ക്കാവ് സ്വദേശി രജനിയാണ് മരിച്ചത്. കുടുംബ വഴക്കിനെ തുടര്‍ന്നുള്ള സംഘര്‍ഷമാണ് കൊലപാതകത്തില്‍ കലാശിച്ചതെന്ന് പോലിസ് പറയുന്നു. ജോലി കഴിഞ്ഞെത്തിയ രജനിയുമായി ഭര്‍ത്താവ് ശ്രീകുമാര്‍ വാക്കേറ്റമുണ്ടായി. തുടര്‍ന്ന് കത്തി ഉപയോഗിച്ച് കുത്തുകയായിരുന്നു. തടയാന്‍ ശ്രമിച്ച ഭാര്യാപിതാവ് കൃഷ്ണനെയും മാതാവ് രമയേയും ഇയാള്‍ കുത്തിപ്പരുക്കേല്‍പ്പിച്ചു. ഇരുവരും ഗുരുതര പരുക്കുകളോടെ മെഡിക്കല്‍ കോളജ് ആശുപത്രിയില്‍ ചികിത്സയിലാണ്. കുത്തേറ്റ രജനി സംഭവ സ്ഥലത്ത് വെച്ചു തന്നെ മരിച്ചു. സംഭവത്തില്‍ ശ്രീകുമാറിനെ പോലിസ് അറസ്റ്റ് ചെയ്തു.