ജപ്പാനില്‍ ശക്തമായ ഭൂചലനം; സുനാമി മുന്നറിയിപ്പ്

ടോക്കിയോ: ജപ്പാന്റെ വടക്കുകിഴക്കന്‍ തീരത്ത് ശക്തമായ ഭൂചലനം അനുഭവപ്പെട്ടു. 7.2 തീവ്രത രേഖപ്പെടുത്തിയ ഭൂചലനമാണ് അനുഭവപ്പെട്ടത്. ഇതെത്തുടര്‍ന്ന് ജപ്പാനിലെ കാലാവസ്ഥാ ഏജന്‍സി സുനാമി മുന്നറിയിപ്പ് പുറപ്പെടുവിച്ചു.

മിയാഗി മേഖലയില്‍നിന്ന് 60 കിലോമീറ്റര്‍ ആഴത്തില്‍ പസഫിക് സമുദ്രത്തില്‍ വൈകുന്നേരം 6:09 നാണ് ഭൂചലനമുണ്ടായതെന്ന് ജെഎംഎ അറിയിച്ചു. ഒരുമീറ്ററോളം സുനാമി തരംഗമുണ്ടാവാന്‍ സാധ്യതയുണ്ടെന്നാണ് ഏജന്‍സി അറിയിച്ചിരിക്കുന്നത്.