കുവൈത്തിൽ കടലിൽ കുളിക്കാനിറങ്ങിയ മലയാളി വിദ്യാർഥി മരിച്ചു

കുവൈത്ത്​ സിറ്റി: മഹബൂലയിൽ കടലിൽ കുളിക്കാനിറങ്ങിയ മലയാളി വിദ്യാർഥി മരിച്ചു. കണ്ണൂർ സ്വദേശിയും മംഗഫ്​ ഇന്ത്യ ഇൻറർനാഷനൽ സ്കൂൾ ഒമ്പതാം ക്ലാസ്​ വിദ്യാർത്ഥിയുമായ മുഹമ്മദ്​ ഇർഫാൻ (14) ആണ്​ മരിച്ചത്​. വെള്ളിയാഴ്​ച വൈകീട്ട്​ മഹബൂല ബീച്ചിൽ കൂട്ടുകാരോടൊപ്പം കുളിക്കാൻ ഇറങ്ങിയതായിരുന്നു.

കണ്ണൂർ സ്വദേശി ആയിശ നിവാസിൽ ഇംതിയാസ് നസീമ ദമ്പതികളുടെ മകനാണ്. സഹോദരങ്ങൾ: ഇംറാൻ അലി, ഇഹ്​സാൻ, ഇസ്​ന, അർഷ്​​.