ദുബയില്‍ കൊവിഡ് ബാധിച്ച് ഒരു മലയാളി കൂടി മരിച്ചു

അബൂദബി: കൊവിഡ് 19 ബാധിച്ച് ദുബയില്‍ ഒരു മലയാളി കൂടി മരിച്ചു. തൃശൂര്‍ ചേറ്റുവ ചുള്ളിപ്പടി ചിന്നക്കല്‍ കുറുപ്പത്ത് വീട്ടില്‍ ഷംസുദ്ദീനാ(65)ണ് മരിച്ചത്. ദുബയ് പോലിസിലെ മെക്കാനിക്കല്‍ മെയിന്റനന്‍സ് വിഭാഗം ജീവനക്കാരനായിരുന്നു. ഇന്ന് പുലര്‍ച്ചെ അല്‍ ഖിസൈസിലെ സ്വകാര്യ ആശുപത്രിയിലായിരുന്നു അന്ത്യമെന്ന് ബന്ധുക്കള്‍ പറഞ്ഞു. കഴിഞ്ഞ ആഴ്ചയാണ് കൊവിഡ് ലക്ഷണത്തെ തുടര്‍ന്ന് ചികില്‍സ തേടിയത്. പനിയും ന്യൂമോണിയയും മൂര്‍ച്ഛിച്ചതിനെ തുടര്‍ന്ന് അത്യാഹിത വിഭാഗത്തിലേക്ക് മാറ്റി. ഇതിനിടെ കൊവിഡ് പോസ്റ്റീവാണെന്നു ഫലം വന്നു. കഴിഞ്ഞ 45 വര്‍ഷമായി ദുബയ് പോലിസ് വിഭാഗത്തില്‍ ജോലി ചെയ്യുന്ന ഷംസുദ്ദീന്‍ ഈ വര്‍ഷം റിട്ടയര്‍ ചെയ്യാനിരിക്കുകയായിരുന്നു. ഒരുമാസം മുമ്പാണ് നാട്ടില്‍പോയി തിരിച്ചുവന്നത്. ഭാര്യ: താഹിറ. മക്കള്‍: ഹാജറ, ഷിഹാബ്, ഷജീറ, സിറാജുദ്ദീന്‍.