ഖത്തറില് വാഹനാപകടം, മലയാളികള് ഉള്പ്പടെ അഞ്ച് മരണം
അല് ഖോര്:ഖത്തറിലെ അല് ഖോറിലുണ്ടായ വാഹനാപകടത്തില് മൂന്ന് മലയാളികള് ഉള്പ്പടെ അഞ്ച് പേര് മരിച്ചു.കൊല്ലം കരുനാഗപ്പളളി സ്വദേശികളായ റോഷിന് ജോണ്, ഭാര്യ ആന്സി ഗോമസ്, ആന്സിയുടെ സഹോദരന് ജിജോ ഗോമസ് എന്നിവരാണ് മരിച്ച മലയാളികള്. ഇവരുടെ സുഹൃത്തുക്കളായ തമിഴ്നാട് സ്വദേശികളായ പ്രവീണ് കുമാര് ശങ്കറും ഭാര്യ നാഗലക്ഷ്മിയും മരിച്ചു. റോഷിന്റെയും ആന്സിയുടെയും ഏകമകനായ മൂന്ന് വയസുകാരന് ഏദന് ഗുരുതര പരുക്കുകളോടെ ആശുപത്രിയില് ചികിത്സയിലാണ്.
ബുധനാഴ്ച രാത്രി അല്ഖോറിലെ ഫ്ളൈ ഓവറില് വച്ചാണ് അപകടമുണ്ടായത്. നിയന്ത്രണം വിട്ട വാഹനം പാലത്തില് നിന്ന് താഴെ വീഴുകയായിരുന്നു. വാഹനത്തിലുണ്ടായിരുന്ന കുട്ടി ഒഴികെയുളള അഞ്ച് പേരും സംഭവസ്ഥലത്ത് തന്നെ മരിച്ചു. മൃതദേഹങ്ങള് അല് ഖോര് മോര്ച്ചറിയില് സൂക്ഷിച്ചിരിക്കുകയാണ്.
ചൊവ്വാഴ്ച ഖത്തറില് നിന്ന് സൗദി അറേബ്യയിലേക്കുളള യാത്രയില് സുഹൃദ് സംഘം സഞ്ചരിച്ചിരുന്ന വാഹനം മറിഞ്ഞുണ്ടായ അപകടത്തില് മലപ്പുറം മേല്മുറി സ്വദേശി മനോജ് കുമാര് അര്ജുന്, കോട്ടയം സ്വദേശി അഗസ്റ്റിന് എബി എന്നിവര് മരിച്ചിരുന്നു. ഇതിന് പിന്നാലെയാണ് ബുധനാഴ്ച അഞ്ച് പേരുടെ മരണത്തിനിടയാക്കിയ വാഹനാപകടവും നടന്നത്.
RELATED STORIES
ലെബനനില് വീണ്ടും സ്ഫോടനം; പേജറുകള്ക്ക് പിന്നാലെ വാക്കിടോക്കികളും...
18 Sep 2024 3:29 PM GMTലെബനാനിലെ പേജര് സ്ഫോടനം; പേജറുകള് നിര്മ്മിച്ചത് യൂറോപ്യന്...
18 Sep 2024 7:07 AM GMTപ്രതിരോധ മന്ത്രിയെ പുറത്താക്കാനുള്ള നെതന്യാഹുവിന്റെ നടപടിക്കെതിരേ...
18 Sep 2024 4:47 AM GMTലെബനനില് പേജറുകള് പൊട്ടിത്തെറിച്ച് ഹിസ്ബുള്ള അംഗങ്ങള് ഉള്പ്പെടെ...
17 Sep 2024 5:19 PM GMTചാര ഏജന്സികളുടെ ഭാഗമായി പ്രവര്ത്തിക്കുന്നുണ്ടെന്ന ആരോപണം; ആര്ടിയെ...
17 Sep 2024 9:38 AM GMTഗസയില് ഇനിയും നീണ്ട യുദ്ധത്തിന് ഹമാസ് തയ്യാര്: യഹ് യാ സിന്വാര്
17 Sep 2024 7:57 AM GMT