കുവൈത്തില്‍ മലയാളി ഹൃദയാഘാതം മൂലം മരിച്ചു

കുവൈത്ത് സിറ്റി: കുവൈത്തില്‍ മലയാളി ഹൃദയാഘാതം മൂലം മരിച്ചു. കണ്ണൂര്‍ അഞ്ചരക്കണ്ടി കണ്ണമ്മൂല സ്വദേശി ബഷീര്‍ നൂര്‍മഹലാ(49) ണ് ഇന്ന് പുലര്‍ച്ചെ താമസസ്ഥലത്തുണ്ടായ ഹൃദയാഘാതത്തെത്തുടര്‍ന്ന് മരിച്ചത്.

സ്വകാര്യകമ്പനിയില്‍ ടാക്‌സി ഡ്രൈവറായി ജോലിചെയ്തുവരികയായിരുന്നു ഇദ്ദേഹം. മൃതദേഹം നടപടിക്രമങ്ങള്‍ പൂര്‍ത്തിയാക്കിയ ശേഷം വൈകീട്ട് നാട്ടിലേക്ക് കൊണ്ടുപോയി. ഭാര്യ: സിനാസ്. മക്കള്‍: നബില മറിയം, ഷാജ്യല്‍ റഹ്മാന്‍. പിതാവ്: അയ്യോത്ത് അബ്ദുറഹ്മാന്‍ ഹാജി. മാതാവ്: മറിയുമ്മ.