ഇംഗ്ലണ്ട് ക്രിക്കറ്റ് താരം മോയിന്‍ അലിക്ക് കൊവിഡ്

കൊളംബോ:ഇംഗ്ലണ്ട് ഓള്‍ റൗണ്ടര്‍ മോയിന്‍ അലിക്ക് കൊവിഡ്-19. ശ്രീലങ്കയ്‌ക്കെതിരായ ടെസ്റ്റിനായി കൊളംബോയിലെത്തിയ മോയിന്‍ അലിക്ക് ഇന്നാണ് രോഗം സ്ഥിരീകരിച്ചത്. ഇംഗ്ലണ്ട് ടീമിനായി നടത്തിയ പരിശോധയില്‍ മോയിന്‍ അലിക്ക് മാത്രമാണ് രോഗം കണ്ടെത്തിയത്. ഇംഗ്ലണ്ട് ആന്റ് വെയ്ല്‍സ് ക്രിക്കറ്റ് ബോര്‍ഡാണ് രോഗ വിവരം പുറത്ത് വിട്ടത്. മോയിന്‍ അലി 10 ദിവസത്തെ ക്വാറന്റീനില്‍ തുടരുമെന്ന് ബോര്‍ഡ് അറിയിച്ചു. മറ്റൊരു താരമായ ക്രിസ് വോക്‌സ് മോയിന്‍ അലിയുമായി ഇടപ്പെട്ടിരുന്നു. വോക്‌സും ക്വാറന്റീനില്‍ തുടരുമെന്ന് ബോര്‍ഡ് അറിയിച്ചു. ബുധനാഴ്ച പരിശീലനം തുടരുന്നതിന് മുമ്പ് ടീം ഒരിക്കല്‍ കൂടി കൊവിഡ് ടെസ്റ്റ് നടത്തും. രണ്ട് മല്‍സരങ്ങളടങ്ങിയ ടെസ്റ്റ് പരമ്പരയിലെ ആദ്യ മല്‍സരം ഈ മാസം 14ന് തുടരും. രണ്ടാം ടെസ്റ്റ് 22നാണ് ആരംഭിക്കുക.