കെ എല്‍ രാഹുലിന് വിന്‍ഡീസ് പര്യടനവും ഏഷ്യാ കപ്പും നഷ്ടമാവും

മുംബൈ: ശസ്ത്രക്രിയ കഴിഞ്ഞ ഇന്ത്യന്‍ താരം കെ എല്‍ രാഹുലിന് രണ്ട് മാസത്തെ വിശ്രമം. സ്‌പോര്‍ട്‌സ് ഹെര്‍ണിയക്കാണ് താരത്തിന് ജര്‍മ്മനിയില്‍ ശസ്ത്രക്രിയ നടത്തിയത്. ജര്‍മ്മനിയില്‍ നിന്ന് ഇന്ത്യയില്‍ എത്തുന്ന താരം ദേശീയ ക്രിക്കറ്റ് അക്കാഡമിയില്‍ തുടര്‍ ചികില്‍സയും പരിശീലനവും നടത്തും.ഇതോടെ ഇംഗ്ലണ്ട് പര്യടനത്തിന് ശേഷം നടക്കുന്ന വെസ്റ്റ്ഇന്‍ഡീസ് പര്യടനം താരത്തിന് നഷ്ടമാവും. തുടര്‍ന്ന് നടക്കുന്ന ഏഷ്യാ കപ്പും താരത്തിന് നഷ്ടമായേക്കും.