മുഹമ്മദ് ഷഹീഫ് ബ്ലാസ്റ്റേഴ്‌സ് സ്‌ക്വാഡിനൊപ്പം

കൊച്ചി: സന്തോഷ് ട്രോഫിയില്‍ കേരളത്തിനായി മികച്ച പ്രകടനം നടത്തിയ ഡിഫന്‍ഡര്‍ മുഹമ്മദ് ഷഹീഫ് കേരളാ ബ്ലാസ്റ്റേഴ്‌സ് സ്‌ക്വാഡില്‍.എന്നാല്‍ താരം ക്ലബ്ബുമായി കരാറിലെത്തിയിട്ടില്ല.കൊച്ചിയില്‍ നടക്കുന്ന ബ്ലാസ്റ്റേഴ്‌സിന്റെ സീനിയര്‍ സ്‌ക്വാഡിനൊപ്പം താരം പരിശീലനം നടത്തുകയാണ്. ട്രയല്‍സില്‍ ഇടം നേടിയ താരത്തിന്റെ പ്രകടനം മികച്ചതാണെങ്കില്‍ ബ്ലാസ്‌റ്റേഴ്‌സ് താരവുമായി കരാറിലെത്തുമെന്നാണ് സൂചന.കഴിഞ്ഞ കെപിഎല്ലില്‍ പറപ്പൂര്‍ എഫ്‌സിയ്ക്കായി ഷഹീഫ് കളിച്ചിരുന്നു. ഡിഫന്‍സിലും അറ്റാക്കിങിലും ഒരു പോലെ തിളങ്ങുന്ന താരമാണ്.

അതിനിടെ ബ്ലാസ്റ്റേഴ്‌സിന്റെ യുവ സ്‌ട്രൈക്കര്‍ ശ്രീകുട്ടന്‍ പുതിയ സീസണില്‍ ഗോകുലം കേരളയ്ക്കായി കളിക്കും. ബ്ലാസ്‌റ്റേഴ്‌സില്‍ വേണ്ടത്ര അവസരം ലഭിക്കാത്ത താരം കഴിഞ്ഞ സീസണില്‍ ഗോകുലത്തിനായി ലോണില്‍ കളിച്ചിരുന്നു.എന്നാല്‍ ബ്ലാസ്‌റ്റേഴ്‌സ് ഇത്തവണ താരത്തെ കരാറില്‍ നിന്ന് ഒഴിവാക്കുകയായിരുന്നു.

📸 | Young Santosh Trophy winning left-back Muhammed Saheef pictured training with Kerala Blasters FC. 👏🟡🐘

(Pic via @kbfcxtra) pic.twitter.com/EajFPHEreq

— 90ndstoppage (@90ndstoppage) August 11, 2022