അരിഡായ് കബ്രേര ഈസ്റ്റ് ബംഗാളില്‍

കൊല്‍ക്കത്ത; കഴിഞ്ഞ സീസണിലെ ഒഡീഷാ എഫ്‌സിയുടെ സൂപ്പര്‍ താരം അരിഡായ് കബ്രേര സുവാരസ് ഐഎസ്എല്ലിന്റെ പുതിയ സീസണില്‍ ഈസ്റ്റ് ബംഗാളിനായി കളിക്കും. സ്പാനിഷ് വിങ്ങറെ മൂന്ന് വര്‍ഷത്തേക്കാണ് ഈസ്റ്റ് ബംഗാള്‍ സൈന്‍ ചെയ്തിരിക്കുന്നത്. കഴിഞ്ഞ സീസണില്‍ ഒഡീഷയ്ക്കായി അഞ്ച് ഗോള്‍ നേടിയിട്ടുണ്ട്. 33കാരനായ താരം ലാസ് പാമസില്‍ നിന്നാണ് ഒഡീഷാ എഫ്‌സിയിലേക്ക് എത്തിയത്. സ്പാനിഷ് ക്ലബ്ബുകളായ ജിറോണാ, ബെറ്റിസ്, ഹോസ്പിറ്റാലറ്റ്, സബാഡെല്‍, വലന്‍സിയ എന്നീ ടീമുകളിലും താരം കളിച്ചിട്ടുണ്ട്. സ്‌പെയിനിനായി 2007ല്‍ താരം അരങ്ങറ്റേം നടത്തിയിരുന്നു.