അര്‍ജന്റീനാ-ബ്രസീല്‍ മല്‍സരം; വിറ്റത് 60000 ടിക്കറ്റുകള്‍; പണം തിരികെ നല്‍കും

മെല്‍ബണ്‍: ഇന്ന് മെല്‍ബണില്‍ നടക്കേണ്ടിയിരുന്ന അര്‍ജന്റീനാ-ബ്രസീല്‍ മല്‍സരത്തിനായി വിറ്റഴിക്കപ്പെട്ട 60000 ടിക്കറ്റുകളുടെ പണം തിരികെ നല്‍കുമെന്ന് ഓര്‍ഗനൈസിങ് കമ്മിറ്റി അറിയിച്ചു. അര്‍ജന്റീനയുടെ പിന്‍മാറ്റത്തെ തുടര്‍ന്നാണ് മല്‍സരം ഒഴിവാക്കിയത്. ലോകകപ്പ് യോഗ്യതാ മല്‍സരങ്ങളില്‍ ഇരുവരും തമ്മില്‍ നടക്കേണ്ട മല്‍സരം ഒഴിവായിരുന്നു. അര്‍ജന്റീനന്‍ താരങ്ങള്‍ കൊവിഡ് പ്രോട്ടോകോളുകള്‍ ലംഘിച്ചെന്നാരോപിച്ചായിരുന്നു ബ്രസീലില്‍ നടക്കേണ്ട മല്‍സരം കഴിഞ്ഞ വര്‍ഷം ഒഴിവാക്കിയത്. എന്നാല്‍ ഈ മല്‍സരം ലോകകപ്പിന് മുമ്പ് നടത്തണമെന്ന് ഇരുടീമിനും ഫിഫ അന്ത്യശാസനം നല്‍കിയിരുന്നു. മെല്‍ബണില്‍ നടക്കേണ്ടിയിരുന്ന സൗഹൃദ മല്‍സരമാണ് അര്‍ജന്റീനയുടെ പിന്മാറ്റത്തെ തുടര്‍ന്ന് ഇന്ന് ഒഴിവായത്.