ദൈവം എന്നെ രക്ഷിച്ചത് ഈ വിജയത്തിന് വേണ്ടി: ഡോണള്‍ഡ് ട്രംപ്

വാഷിങ്ടണ്‍: അമേരിക്കയുടെ 47ാം പ്രസിഡന്റായി റിപ്പബ്ലിക്കന്‍ പാര്‍ട്ടി സ്ഥാനാര്‍ത്ഥി ഡോണള്‍ഡ് ട്രംപ് തിരഞ്ഞെടുക്കപ്പെടുമെന്ന് ഉറപ്പായി. നിരവധി വധശ്രമങ്ങളില്‍ നിന്ന് ദൈവം രക്ഷപ്പെടുത്തിയത് ഈ വിജയത്തിന് വേണ്ടിയാണെന്ന് ട്രംപ് പറഞ്ഞു. ഫ്‌ളോറിഡയില്‍ നടന്ന ചടങ്ങില്‍ വിജയം പ്രഖ്യാപിക്കുകയായിരുന്നു അദ്ദേഹം. തിരഞ്ഞെടുപ്പ് പ്രചാരണക്കാലത്ത് നല്‍കിയ ഒരു വാക്കും ലംഘിക്കില്ലെന്ന് ട്രംപ് പറഞ്ഞു. അമേരിക്ക സുരക്ഷിതവും സമൃദ്ധവും ശക്തവും സ്വതന്ത്രവും ആവും.

കഴിഞ്ഞ നാലുവര്‍ഷത്തെ വിദ്വേഷവും വിവേചനവും മാറ്റിവച്ച് എല്ലാവരും രാജ്യത്തിന് വേണ്ടി നില കൊള്ളണമെന്നും അദ്ദേഹം അഭ്യര്‍ത്ഥിച്ചു. എല്ലാവരും കൂടി ശ്രമിച്ചാല്‍ വിജയം വരും.റോബര്‍ട്ട് എഫ് കെന്നഡി ജൂനിയര്‍ എന്ന അഭിഭാഷകനെ ആരോഗ്യകാര്യങ്ങളുടെ ചുമതല നല്‍കുമെന്നും അദ്ദേഹം പ്രഖ്യാപിച്ചു.