ഹമാസില്‍ പുതുതായി 4000 പ്രവര്‍ത്തകര്‍ ചേര്‍ന്നെന്ന് റിപോര്‍ട്ട്
ഗസ സിറ്റി: ഇസ്രായേലിന്റെ ഉപരോധവും വ്യോമാക്രമണവും തുടരുന്ന ഗസയില്‍ ഹമാസില്‍ പുതുതായി 4000 പേര്‍ ചേര്‍ന്നെന്ന് റിപോര്‍ട്ട്. കഴിഞ്ഞ ഏതാനും മാസങ്ങളിലാണ് ഇത് സംഭവിച്ചതെന്ന് റിപോര്‍ട്ടുകള്‍ പറയുന്നു. ഗസ നിവാസികളെ പട്ടിണിക്കിട്ട് കൊല്ലാന്‍ ശ്രമിക്കുന്നതിനിടെയാണ് ഹമാസിന്റെ ഈ വികാസം. ഇതോടെ ഗസ മുനമ്പില്‍ ഇസ്രായേലി സൈന്യത്തിന് നഷ്ടം വര്‍ധിച്ചുവരുകയാണ്. കഴിഞ്ഞ ഏതാനും ദിവസങ്ങളില്‍ ഇസ്രായേലി സൈന്യത്തെ ആക്രമിക്കുന്നതിന്റെ നിരവധി വീഡിയോകളാണ് ഹമാസ് പുറത്തുവിട്ടത്.
കഴിഞ്ഞ ദിവസം ഒരു ഇസ്രായേലി സ്‌നൈപ്പറെയും സഹായിയേയും തൊട്ടടുത്ത് നിന്ന് കൊല്ലുന്നതിന്റെ ദൃശ്യങ്ങളും പുറത്തുവന്നു. ജബാലിയ കാംപിന് സമീപമായിരുന്നു ഈ ആക്രമണം. അതിന് ശേഷം ഇതേ പ്രവര്‍ത്തകന്‍ ഇസ്രായേലി സൈനികനെന്ന വ്യാജേന ആറു ഇസ്രായേലി സൈനികരെ കൊലപ്പെടുത്തി. ഇസ്രായേലി സൈനികരുടെ അടുത്തേക്ക് സ്‌ഫോടകവസ്തു നിറച്ച ബെല്‍ട്ട് ധരിച്ച് ചെന്ന് സ്വയം സ്‌ഫോടനം നടത്തുകയായിരുന്നു. വടക്കന്‍ ഗസയില്‍ ഒരു പ്രവര്‍ത്തകന്‍ ഒരു സൈനിക ഉദ്യോഗസ്ഥനെയും മൂന്നു സൈനികരെയും കത്തികൊണ്ട് കുത്തികൊല്ലുകയും ചെയ്തു. അവരുടെ ആയുധങ്ങളും എടുത്താണ് മടങ്ങിയത്. വ്യാഴാഴ്ച ഒരു ഇസ്രായേലി സൈനികനെ സ്‌നൈപ്പര്‍ തോക്കു കൊണ്ട് വെടിവച്ചു കൊല്ലുകയും ചെയ്തു.
⚡️ Al-Qassam Brigades:
— Warfare Analysis (@warfareanalysis) December 19, 2024
Footage of sniping a Zionist soldier in the "Tawam" area, north of Gaza City, Yesterday. pic.twitter.com/GQNXhZR6k4
ഫലസ്തീനിയന്‍ ഇസ്‌ലാമിക് ജിഹാദിന്റെ അല്‍ ഖുദ്‌സ് ബ്രിഗേഡും വെള്ളിയാഴ്ച നെറ്റാസിരം കോറിഡോറില്‍ റോക്കറ്റുകളും മോര്‍ട്ടാറുകളും ഉപയോഗിച്ച് ഇസ്രായേലി സൈന്യത്തെ ആക്രമിച്ചു.
അതേസമയം, ഗസയിലെ അധിനിവേശം സംബന്ധിച്ച് പുതിയ സംഭവവികാസങ്ങള്‍ വിവിധ ഫലസ്തീന്‍ ചെറുത്തുനില്‍പ്പ് സംഘടനകള്‍ സംയുക്തമായി ചര്‍ച്ച ചെയ്തു.
ഈജിപ്തിലെ കെയ്‌റോയില്‍ നടന്ന ചര്‍ച്ചയില്‍ ഹമാസ്, ഫലസ്തീനിയന്‍ ഇസ്‌ലാമിക് ജിഹാദ്, പിഎഫ്എല്‍പി എന്നീ സംഘടനകളുടെ പ്രതിനിധികള്‍ പങ്കെടുത്തു. ഇസ്രായേല്‍ പുതിയ നിബന്ധനകള്‍ വെക്കാത്തിടത്തോളം സമാധാനം അടുത്താണെന്ന് പ്രതിനിധികള്‍ ഇറക്കിയ പ്രസ്താവന പറയുന്നു. അധിനിവേശത്തിന് ശേഷം ഗസയുടെ ഭരണവുമായി ബന്ധപ്പെട്ട കാര്യങ്ങളും യോഗം ചര്‍ച്ച ചെയ്തു. ഗസയുമായി ബന്ധപ്പെട്ട എല്ലാ കാര്യങ്ങളും പഴയതു പോലെ തുടരണമെന്ന് യോഗം തീരുമാനിച്ചു.
'സ്വര്‍ണ്ണക്കടത്ത്, ആഡംബര വീട് നിര്‍മാണം': എം ആര്‍ അജിത് കുമാറിന്...
22 Dec 2024 3:01 AM GMTവാര്‍ത്തയുടെ പേരില്‍ ക്രൈംബ്രാഞ്ച്‌ അന്വേഷണം; മാധ്യമ അടിയന്തരാവസ്ഥ:...
22 Dec 2024 2:20 AM GMTഅംബേദ്കറെ അപമാനിച്ചവര്‍ അധികാരത്തില്‍ തുടരരുത്: കെഎന്‍എം മര്‍കസുദഅവ
22 Dec 2024 2:18 AM GMTസാംസ്‌കാരിക മുന്നേറ്റത്തില്‍ സ്ത്രീകളും പുരുഷന്മാരും പരസ്പര പൂരകം:...
22 Dec 2024 2:14 AM GMTറോഡിലേക്ക് തെറിച്ചുവീണ കുഞ്ഞിന്റെ മുകളിലേക്ക് കാര്‍ മറിഞ്ഞു; രണ്ടര...
22 Dec 2024 2:07 AM GMTതൃശൂര്‍ പൂരംകലക്കല്‍: സുരേഷ് ഗോപിയെ ചോദ്യം ചെയ്‌തേക്കും; പിആര്‍...
22 Dec 2024 1:58 AM GMT
