കേരള പത്രപ്രവര്ത്തക യൂണിയന് സംസ്ഥാന സമ്മേളനം ഒക്ടോബര് 17 മുതല് 19 വരെ കൊച്ചിയില്
കൊച്ചി : കേരള പത്രപ്രവര്ത്തക യൂണിയന് 60 -ാമത് സംസ്ഥാന സമ്മേളനം 2024 ഒക്ടോബര് 17 മുതല് 19 വരെ കൊച്ചിയില് നടക്കുമെന്ന്്് സംസ്ഥാന പ്രസിഡന്റ് എം.വി വിനീതയും ജനറല് സെക്രട്ടറി ആര്.കിരണ്ബാബുവും വാര്ത്താസമ്മേളനത്തില് പറഞ്ഞു. എറണാകുളം കലൂര് എ.ജെ ഹാളില് നടക്കുന്ന സംസ്ഥാന സമ്മേളനം 18 ന്്് മുഖ്യമന്ത്രി പിണറായി വിജയന് ഉദ്ഘാടനം ചെയ്യും.
19 ന് സമാപന സമ്മേളനം പ്രതിപക്ഷ നേതാവ് വി.ഡി സതീശന് ഉദ്ഘാടനം ചെയ്യും.17 ന് നിലവിലെ സംസ്ഥാന കമ്മിറ്റിയും സംയുക്തകമ്മിറ്റിയും ചേരും. ഒരു പതിറ്റാണ്ടിന് ശേഷം എറണാകുളം ആതിഥ്യമരുളുന്ന സംസ്ഥാന സമ്മേളനം പത്രപ്രവര്ത്തന തൊഴില് മേഖല വലിയ വെല്ലുവിളികള് നേരിടുന്ന ഈ കാലഘട്ടത്തില് പ്രസക്തമാണെന്ന്്് നേതാക്കള് പറഞ്ഞു. സംസ്ഥാന സമ്മേളനത്തോട് അനുബന്ധിച്ച് സെമിനാറുകള്, ട്രേഡ് യൂണിയന് സമ്മേളനം, വിമണ് കോണ്ക്ലേവ് , ഫുട്ബോള് -ക്രിക്കറ്റ് ടൂര്ണമെന്റുകള് എന്നിവ സംഘടിപ്പിക്കും.
സമ്മേളനത്തിന്റെ പോസ്റ്റര് പ്രകാശനം സംസ്ഥാന പ്രസിഡന്റ് എം.വി വിനീത സംസ്ഥാന വൈസ് പ്രസിഡന്റ് സീമാ മോഹന്ലാലിന് നല്കി നിര്വഹിച്ചു. പ്രതിപക്ഷനേതാവ് വി.ഡി സതീശന്, മേയര് അഡ്വ.എം അനില്കുമാര്, ഹൈബി ഈഡന് എം.പി എന്നിവര് മുഖ്യരക്ഷാധികാരികളും വ്യവസായമന്ത്രി പി.രാജീവ് ചെയര്മാനുമായി 501 അംഗ സ്വാഗതസംഘത്തിന്റെ നേതൃത്വത്തിലാണ് സമ്മേളനപരിപാടികള് സംഘടിപ്പിക്കുന്നത്. സ്വാഗതസംഘം വര്ക്കിംഗ് ചെയര്മാനും കെ.യു.ഡബ്ല്യൂ.ജെ ജില്ലാ പ്രസിഡന്റുമായ ആര്. ഗോപകുമാര്, ജില്ലാ സെക്രട്ടറിയും സ്വാഗതസംഘം ജനറല് കണ്വീനറുമായ എം.ഷജില് കുമാര് എന്നിവരും വാര്ത്താസമ്മേളനത്തില് പങ്കെടുത്തു.
RELATED STORIES
സഫ മക്കയിലെ ഇന്ത്യന് ഡോക്ടര്ക്ക് സൗദി പൗരത്വം
23 Sep 2024 9:50 AM GMTഅബ്ദുല് റഹീമിന്റെ മോചനം; കോടതി സിറ്റിങ് ഒക്ടോബര് 17 ന്
18 Sep 2024 7:15 AM GMTഎടക്കുളം സ്വദേശി അബൂദബിയില് മരണപ്പെട്ടു
16 Sep 2024 3:45 PM GMTവയനാട് ദുരന്തം: കള്ളക്കണക്ക്അമ്പരപ്പിക്കുന്നതെന്ന് മുസ്ലിം ലീഗ് |...
16 Sep 2024 3:22 PM GMTവാഹനാപകടത്തില് പരിക്കേറ്റ മലയാളിക്ക് 11.5 കോടി രൂപ നഷ്ട പരിഹാരം;...
9 Sep 2024 4:57 PM GMTറിയാദ് എജ്യൂ എക്സ്പോ സപ്തംബര് 13ന്
8 Sep 2024 6:15 AM GMT