മലപ്പുറം ലോക്‌സഭാ തിരഞ്ഞെടുപ്പ്: എസ് ഡിപിഐ സ്ഥാനാര്‍ത്ഥി ഡോ. തസ്‌ലിം റഹ്മാനി ബൂത്തുകള്‍ സന്ദര്‍ശിച്ചു

മലപ്പുറം: മലപ്പുറം ലോക്‌സഭാ തിരഞ്ഞെടുപ്പ് നടക്കുന്ന ബൂത്തുകളില്‍ എസ്ഡിപിഐ സ്ഥാനാര്‍ഥി ഡോ. തസ്‌ലീം റഹ്മാനി വിവിധ ബൂത്തുകള്‍ രാവിലെ തന്നെ സന്ദര്‍ശിച്ചു. ചീഫ് ഇലക്ഷന്‍ ഏജന്റ് അഡ്വ. സാദിഖ് നടുത്തൊടി, ലത്തീഫ് എടക്കര, മനാഫ് പൊന്മള എന്നിവരോടൊപ്പം മലപ്പുറം ചെമ്മങ്കടവ് നൂറുല്‍ ഹുദാ മദ്‌റസയിലെ 105, 106, ബൂത്തുകള്‍ സന്ദര്‍ശിച്ച് പോളിങ് സംബന്ധിച്ച വിശദ വിവരങ്ങള്‍ പ്രിസൈഡിങ് ഓഫിസര്‍മാരോട് ചോദിച്ചറിഞ്ഞു. ബൂത്തിന് പുറത്തുനിന്നിരുന്ന വോട്ടര്‍മാരോട് കുശലം പറഞ്ഞും, ഫാഷിസത്തിനെതിരായ പോരാട്ടത്തിന് പിന്തുണ തേടിയും അദ്ദേഹം അടുത്ത കേന്ദ്രത്തിലേക്ക് യാത്രയായി.

മലപ്പുറം നഗരസഭ, ഊരകം, വേങ്ങര കച്ചേരിപ്പടി, പൂച്ചോലമാട്, തുടങ്ങിയ സ്ഥലങ്ങളിലെ വിവിധ ബൂത്തുകളും അദ്ദേഹം രാവിലെ 10ഓടെ സന്ദര്‍ശിച്ചു.

Malappuram Lok Sabha election: SDPI candidate Dr. Thasleem Rahmani visited the booths