പുതുപ്പള്ളിയിലേത് ഇടത് സര്‍ക്കാറിന്റെ ആണിക്കല്ലിളക്കുന്ന ഫലമാവുമെന്ന് ചെന്നിത്തല

തൃശൂര്‍: പുതുപ്പള്ളിയില്‍ ചാണ്ടി ഉമ്മന് ചരിത്രഭൂരിപക്ഷം ലഭിക്കുമെന്ന് കോണ്‍ഗ്രസ് നേതാവ് രമേശ് ചെന്നിത്തല. ഇടതുപക്ഷ സര്‍ക്കാറിന്റെ ആണിക്കല്ല് ഇളക്കാന്‍ പോവുന്ന ഫലമായിരിക്കും വരിക. ഭരണ വിരുദ്ധ വികാരം അത്രയും ശക്തമാണ്. ജനങ്ങളുടെ പ്രതിഷേധം വോട്ടായി രേഖപ്പെടുത്തിയിട്ടുണ്ട്. പുതിയ പുതുപ്പള്ളിയെക്കുറിച്ച് ചര്‍ച്ച ചെയ്യുന്നവര്‍ക്ക് പഴയ പുതുപ്പള്ളി അറിയില്ല. രണ്ട് പുതുപ്പള്ളിയും ഒന്നാണെന്നും അദ്ദേഹം പറഞ്ഞു. കുട്ടികള്‍ക്ക് ഉച്ചക്കഞ്ഞി കൊടുക്കാന്‍ സര്‍ക്കാരിന് കഴിയാത്തത് കഷ്ടമാണ്. അധ്യാപകര്‍ക്ക് പഠിപ്പിക്കാന്‍ സമയമില്ലാതെ അവര്‍ നാടുനീളെ കടം വാങ്ങുകയാണ്. ഉച്ചക്കഞ്ഞി മുട്ടിച്ച സര്‍ക്കാരിന് ജനം മാപ്പ് നല്‍കില്ലെന്നും ചെന്നിത്തല പറഞ്ഞു.