ഡിലിറിസ് എര്‍ത്തുഗ്രുലിലെ നടന്‍ അയ്‌ബെര്‍ക്ക് പെക്കാന്‍ അന്തരിച്ചു

ജനപ്രിയ തുര്‍ക്കിഷ് സീരീസായ ഡിലിറിസ് എര്‍ത്തുഗ്രുലിലെ (റീസറക്ഷന്‍ എര്‍ത്തുഗ്രുല്‍) ശ്രദ്ധേയമായ കഥാപാത്രത്തെ അവതരിപ്പിച്ച പ്രമുഖ തുര്‍ക്കിഷ് നടന്‍ അയ്‌ബെര്‍ക്ക് പെക്കാന്‍ അന്തരിച്ചു. ശ്വാസകോശ ക്യാന്‍സറിനെ തുടര്‍ന്ന് തിങ്കളാഴ്ച വൈകീട്ടായിരുന്നു മരണം. 51 വയസ്സായിരുന്നു.

ഏറെ നാളായി ചികില്‍സയിലായിരുന്നു താരം. 1970 ല്‍ ജനിച്ച അദ്ദേഹം മെര്‍സിന്‍ യൂനിവേഴ്‌സിറ്റിയിലെ തിയേറ്റര്‍ ഡിപ്പാര്‍ട്ട്‌മെന്റില്‍ നിന്ന് ബിരുദം നേടി. വളരെ ജനപ്രിയമായ വാലി ഓഫ് ദി വോള്‍വ്‌സ് (കുര്‍ട്ട്‌ലര്‍ വാദിസി) സീരീസ് ഉള്‍പ്പെടെ നിരവധി പരമ്പരകളില്‍ അദ്ദേഹം അഭിനയിച്ചു.

ബ്ലോക്ക്ബസ്റ്റര്‍ ഡിലിറിസ് എര്‍ത്തുഗ്രുല്‍ സീരീസിലെ പ്രധാന നായകന്‍ എര്‍ത്തുഗ്രുലിന്റെ വലംകൈയായ ആര്‍തുക് ബേ ആയാണ് അയ്‌ബെര്‍ക്ക് വേഷമിട്ടത്.