കഞ്ചാവുമായി ആർഎസ്എസ് നേതാവ് അറസ്റ്റിൽ

പാലക്കാട്: കഞ്ചാവുമായി ആർഎസ്എസ് നേതാവും എസ് സി മോർച്ച തൃത്താല മണ്ഡലം സെക്രട്ടറിയുമായ നിഷാദിനെ എക്സൈസ് സംഘം അറസ്റ്റ് ചെയ്തു. ഓണം സ്പെഷ്യൽ ഡ്രൈവിന്റെ ഭാ​ഗമായി തൃത്താല എക്സൈസ് സംഘം നടത്തിയ റെയ്ഡിലാണ് 38 ​ഗ്രാം കഞ്ചാവുമായി നിഷാദ് അറസ്റ്റിലായത്.

കഞ്ചാവ്, മറ്റ് ലഹരി വിൽപനയിൽ പശ്ചാത്തലമുള്ളവരുടെ വീടുകളിലും കേന്ദ്രങ്ങളിലുമാണ് ഓണം സ്പെഷ്യൽ ഡ്രൈവിന്റെ ഭാ​ഗമായി എക്സൈസ് റെയ്ഡുകൾ സംഘടിപ്പിക്കുന്നത്. നാഗലശേരി വില്ലേജില്‍ മൂളിപ്പറമ്പ് ദേശത്ത് നൊട്ടത്തു വീട്ടില്‍ നിഷാദ് ആര്‍എസ്എസ് നേതാവും പ്രദേശത്തെ ബിജെപി ബൂത്ത് ഏജന്റുമാണ്.

നിരവധി ക്രിമിനല്‍ കേസുകളില്‍ പ്രതികൂടിയാണ് നിഷാദ്. എസ്ഡിപിഐ പ്രവർത്തകനെ വെട്ടി കൊലപ്പെടുത്താൻ ശ്രമിച്ച കേസിലെ പ്രതിയാണ്.