മാലിന്യ സംഭരണ കേന്ദ്രത്തിനെതിരേ നാട്ടുകാരുടെ പ്രതിഷേധം; പിന്തുണയുമായി എസ്ഡിപിഐ
പഞ്ചായത്തിലെ മുഴുവന്‍ വാര്‍ഡുകളിലേയും മാലിന്യം ശേഖരിച്ച് കോളനിക്കകത്തെ കേന്ദ്രത്തില്‍ എത്തിക്കുന്നത് പ്രദേശത്തിനു തന്നെ ഭീഷണിയാകുമെന്നാണ് നാട്ടുകാര്‍ പറയുന്നത്.
തിക്കോടി: പഞ്ചായത്തിലെ പ്ലാസ്റ്റിക് മാലിന്യ സംഭരണ കേന്ദ്രത്തിനെതിരേ നാട്ടുകാരുടെ പ്രതിഷേധം. തിക്കോടി റെയില്‍വേ സ്‌റ്റേഷനടുത്ത് സുനാമി കോളനിയിലാണ് സംഭരണകേന്ദ്രം പണി കഴിപ്പിച്ചിരിക്കുന്നത്. പഞ്ചായത്തിലെ മുഴുവന്‍ വാര്‍ഡുകളിലേയും മാലിന്യം ശേഖരിച്ച് കോളനിക്കകത്തെ കേന്ദ്രത്തില്‍ എത്തിക്കുന്നത് പ്രദേശത്തിനു തന്നെ ഭീഷണിയാകുമെന്നാണ് നാട്ടുകാര്‍ പറയുന്നത്. പ്രദേശവാസികളുടെ എതിര്‍പ്പ് വകവെക്കാതെ യുഡിഎഫ് ഭരണകാലത്താണ് 14 ലക്ഷം ചെലവില്‍ കെട്ടിടം പണികഴിപ്പിച്ചത്.
പ്രവര്‍ത്തനമാരംഭിക്കുന്നതിനെതിരേ പ്രദേശവാസികള്‍ ആക്ഷന്‍ കമ്മിറ്റി രൂപീകരിച്ച് ഇപ്പോള്‍ വീണ്ടും പ്രതിഷേധവുമായി രംഗത്ത് വന്നിരിക്കുകയാണ്.
ജനവാസകേന്ദ്രത്തില്‍ മാലിന്യ സംഭരണ കേന്ദ്രം തുറക്കുന്നതിനെതിരേ പ്രദേശവാസികളോടൊപ്പം സമരരംഗത്തുണ്ടാകുമെന്നും ജനവാസ കേന്ദ്രത്തിത്തില്‍ നിന്ന് കേന്ദ്രം മാറ്റാന്‍ അധികൃതര്‍ തയ്യാറാകണമെന്നും എസ്ഡിപിഐ തിക്കോടി മേഖല കമ്മിറ്റി യോഗം ആവശ്യപ്പെട്ടു. എം കെ സലാം അധ്യക്ഷത വഹിച്ചു. വി മന്‍സൂര്‍, എ വി അഫ്‌സല്‍, പി നാസര്‍ സംസാരിച്ചു