ദമ്മാം: സൗദിയിലെ ദമ്മാമിനടുത്ത് വച്ചുണ്ടായ കാറപകടത്തില്‍ കോഴിക്കോട് ബേപ്പൂര്‍ സ്വദേശികളായ അഞ്ച് പേര്‍ മരിച്ചു. ബേപ്പൂരിലെ മുഹമ്മദ് ജാബിറും(44) ഭാര്യ ശബ്‌ന(36)യും മക്കളായ ലൈബ(7), സഹ(5), ലുത്ഫി എന്നിവരാണ് മരിച്ചത്. ഇവര്‍ സഞ്ചരിച്ചിരുന്ന കാറ് മറ്റൊരു കാറുമായി കൂട്ടിയിടിക്കുകയായിരുന്നു.
വെളളിയാഴ്ച ജുബൈലില്‍ നിന്ന് കുടുംബ സമേതം പുറപ്പെട്ടതായിരുന്നു.
ജുബൈലില്‍ നിന്ന് ജിസാനിലേക്കുളള യാത്രക്കിടയിലാണ് അപകടം നടന്നത്. മൃതദേഹം അല്‍ റൈന്‍ ജനറല്‍ ആശുപത്രിയില്‍ സൂക്ഷിച്ചിരിക്കയാണ്.