കാട്ടാക്കട പൂവച്ചല്‍ ഹയര്‍ സെക്കന്ററി സ്‌കൂള്‍ വിദ്യാര്‍ത്ഥികളും പൂര്‍വ വിദ്യാര്‍ഥികളും തമ്മില്‍ നടുറോഡില്‍ സംഘര്‍ഷം
തിരുവനന്തപുരം: കാട്ടാക്കട പൂവച്ചല്‍ വൊക്കേഷനല്‍ ഹയര്‍ സെക്കന്ററി സ്‌കൂളിലെ വിദ്യാര്‍ത്ഥികളും പൂര്‍വ വിദ്യാര്‍ത്ഥികളും തമ്മില്‍ നടുറോഡില്‍ ഏറ്റുമുട്ടി. പത്താം ക്ലാസിലെ വിദ്യാര്‍ത്ഥികളും പൂര്‍വ വിദ്യാര്‍ത്ഥികളും പൊതു സ്ഥലത്താണ് ഏറ്റുമുട്ടിയത്. സംഘര്‍ഷത്തിന്റെ കാരണം വ്യക്തമല്ല. കഴിഞ്ഞ ദിവസവും സ്‌കൂളിനടുത്ത് വെച്ച് സമാന രീതിയില്‍ സംഘര്‍ഷം നടന്നതായി പ്രദേശവാസികള്‍ പറയുന്നു.
സ്ഥലത്ത് ലഹരി മാഫിയയുമായി ബന്ധപ്പെട്ട് പ്രദേശത്ത് തര്‍ക്കങ്ങള്‍ നിലനില്‍ക്കുന്നുണ്ട്. ഇതാണോ സംഘര്‍ഷത്തിലേക്ക് നയിച്ചതെന്ന് പോലിസ് അന്വേഷിക്കുന്നുണ്ട്. സ്‌കൂളിന് മുന്‍പില്‍ ബൈക്കില്‍ രണ്ടു പേര്‍ വന്നശേഷമാണ് സംഘര്‍ഷമുണ്ടായതെന്ന് പ്രദേശവാസികള്‍ പറയുന്നു.