സ്‌നേഹ വീട് ഉദ്ഘാടനം ചെയ്തു
സ്‌നേഹവീടിന്റെ ഉദ്ഘാടനം തെരുവില്‍ അബ്ദുല്‍ഖാദറിന് താക്കോല്‍ കൈമാറി വി ആര്‍ സുനില്‍കുമാര്‍ എംഎല്‍എ നിര്‍വ്വഹിച്ചു.
മാള: തുരുത്തിപ്പുറം താണിയത്ത് ട്രസ്റ്റും ആല്‍ഫ പാലിയേറ്റീവ് കെയര്‍ വെള്ളാങ്ങല്ലൂര്‍ ലിങ്ക് സെന്ററും ചേര്‍ന്ന് നിര്‍മ്മിച്ചു നല്‍കിയ സ്‌നേഹവീടിന്റെ ഉദ്ഘാടനം തെരുവില്‍ അബ്ദുല്‍ഖാദറിന് താക്കോല്‍ കൈമാറി വി ആര്‍ സുനില്‍കുമാര്‍ എംഎല്‍എ നിര്‍വ്വഹിച്ചു.
ലിങ്ക് സെന്റര്‍ പ്രസിഡന്റ് എ ബി സക്കീര്‍ ഹുസൈന്‍ അധ്യക്ഷത വഹിച്ചു. പുത്തന്‍ചിറ ഗ്രാമപ്പഞ്ചായത്ത് പ്രസിഡന്റ് വി എ നദീര്‍, സാമൂഹിക പ്രവര്‍ത്തകന്‍ ഷെഹീന്‍ കെ മൊയ്തീന്‍, പി ഐ നിസാര്‍, പി കെ എം അഷ്‌റഫ്, കെ എ മുഹമ്മദ്കുഞ്ഞി, അബ്ദുല്‍ ഷുക്കൂര്‍, ഇ കെ ഡേവിസ്, ഉമ്മര്‍ പിച്ചത്തറ, കെ ആര്‍ വര്‍ഗ്ഗീസ്, മെഹര്‍ബാന്‍ ഷിഹാബ്, രജിത ആന്റണി, എ എ യൂനസ്, സൂസി ഡേവിസ്, എം എ അന്‍വര്‍ തുടങ്ങിയവര്‍ സംസാരിച്ചു. ഷഫീര്‍ കാരുമാത്ര സ്വാഗതവും എം എ അലി നന്ദിയും പറഞ്ഞു.