കോണ്‍ഗ്രസ് അധികാരത്തിലെത്തിയാല്‍ കാര്‍ഷിക വായ്പകള്‍ എഴുതിത്തള്ളും: രാഹുല്‍ ഗാന്ധി
വായ്പ എഴുതിത്തള്ളുന്നത്, കാര്‍ഷിക പ്രശ്‌നങ്ങള്‍ പരിഹരിക്കുന്നതിനുള്ള അന്തിമ വഴിയാണെന്നു കരുതുന്നില്ല. ഇത് പ്രശ്‌നപരിഹാരത്തിനുള്ള ആദ്യപടിയാണ്.
ജയ്പൂര്‍: വരുന്ന ലോക്‌സഭാ തിരഞ്ഞെടുപ്പില്‍ അധികാരത്തിലെത്തിയാല്‍ രാജ്യമൊട്ടുക്കും കാര്‍ഷിക വായ്പകള്‍ എഴുതിത്തള്ളുമെന്നു കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി. രാജസ്ഥാനില്‍ കോണ്‍ഗ്രസ് അധികാരത്തിലെത്തിയ ശേഷം ആദ്യമായി സംസ്ഥാനത്തെത്തിയ രാഹുല്‍ ജയ്പൂരിലെ റാലിയില്‍ സംസാരിക്കവെയാണ് ഇക്കാര്യം പറഞ്ഞത്.
വായ്പ എഴുതിത്തള്ളുന്നത്, കാര്‍ഷിക പ്രശ്‌നങ്ങള്‍ പരിഹരിക്കുന്നതിനുള്ള അന്തിമ വഴിയാണെന്നു കരുതുന്നില്ല. ഇത് പ്രശ്‌നപരിഹാരത്തിനുള്ള ആദ്യപടിയാണ്. രാജ്യത്ത് ഒരു പുതിയ കാര്‍ഷിക വിപ്ലവം അനിവാര്യമാണ്. അതിലൂടെ മാത്രമേ കര്‍ഷകരുടെ പ്രശ്‌നം പരിഹരിക്കാനാവൂ- രാഹുല്‍ വ്യക്തമാക്കി.