ലഖ്‌നോ: യുപിയില്‍ വ്യാജമദ്യം കഴിച്ചതിനെ തുടര്‍ന്നു ഒരു കുടുംബത്തിലെ നാലു പേരടക്കം 14പേര്‍ മരിക്കുകയും നിരവധി പേരെ ആശുപത്രിയില്‍ പ്രവേശിപ്പിക്കുകയും ചെയ്തു. യുപിയിലെ ബാരബങ്കി ജില്ലയില്‍ ഇന്നലെ രാത്രിയാണ് സംഭവം. ഗുരുതരാവസ്ഥയിലായ 40ലധികമാളുകളെ വിവിധ ആശുപത്രികളില്‍ പ്രവേശിപ്പിച്ചു. അപകടത്തെ തുടര്‍ന്ന് 10 എക്‌സൈസ് ഉദ്യോഗസ്ഥരേയും 2 പോലിസുദ്യോഗസ്ഥരേയും സസ്‌പെന്‍ഡ് ചെയ്തു.
മരിച്ചവരുടെ കുടുംബങ്ങള്‍ക്കു 2 ലക്ഷം രൂപ നല്‍കുമെന്നു സര്‍ക്കാര്‍ അറിയിച്ചു. വിഷയത്തില്‍ ഉന്നതത അന്വേഷണം പ്രഖ്യാപിച്ച സര്‍ക്കാര്‍ 48 മണിക്കൂറിനകം പ്രാഥമികാന്വേഷണ റിപ്പോര്‍ട്ട് കൈമാറാനും നിര്‍ദേശം നല്‍കിയിട്ടുണ്ട്.