മാഡ്രിഡ്: സ്പാനിഷ് ലീഗില്‍ വീണ്ടും കൊറോണ വൈറസ് ബാധ. സ്‌പെയിനിലെ രണ്ട് ടോപ് ഡിവിഷനിലെ അഞ്ച് താരങ്ങള്‍ക്കാണ് വൈറസ് ബാധ സ്ഥിരീകരിച്ചത്. ലാ ലിഗ അധികൃതരാണ് വാര്‍ത്ത പുറത്തുവിട്ടത്. താരങ്ങളുടെ പേര് ക്ലബ്ബ് പുറത്തുവിട്ടിട്ടില്ല. വൈറസ് ബാധയേറ്റ താരങ്ങളുടെ ക്ലബ്ബുകളിലുള്ളവര്‍ പരിശീലനം തുടരും. പരിശീലനത്തിനു മുന്നോടിയായി നടത്തിയ പരിശോധയിലാണ് താരങ്ങള്‍ പോസിറ്റീവായത്. തുടര്‍ന്നുള്ള രണ്ട് ടെസ്റ്റുകള്‍ നെഗറ്റീവായതിന് ശേഷമായിരിക്കും താരങ്ങള്‍ പരിശീലനത്തിന് പങ്കെടുക്കുക.
വൈറസ് ബാധയെ തുടര്‍ന്ന് സ്‌പെയിനില്‍ 26,621 പേരാണ് മരണപ്പെട്ടത്. പരിശീലനത്തിന് മുന്നോടിയായി നടത്തിയ പരിശോധയില്‍ പ്രീമിയര്‍ ലീഗില്‍ മൂന്നും ബുണ്ടസാ ലീഗില്‍ രണ്ടും ഇറ്റലിയില്‍ നാലും പോര്‍ച്ചുഗീസില്‍ മൂന്നും താരങ്ങള്‍ക്കാണ് കൊറോണ റിപോര്‍ട്ട് ചെയ്തത്. എന്നാല്‍ ക്ലബ്ബുകള്‍ പരിശീലനം തുടരുമെന്ന് അറിയിച്ചിട്ടുണ്ട്.