ട്രാന്‍സ്‌ജെന്‍ഡര്‍ വനിതകളെ ആഭ്യന്തര ടെന്നിസ് ടൂര്‍ണ്ണമെന്റുകളില്‍ നിന്ന് വിലക്കി ബ്രിട്ടന്‍; സ്വാഗതം ചെയ്ത് ടെന്നിസ് ഇതിഹാസം മാര്‍ട്ടിനാ നവരത്‌നലോവ
ലണ്ടന്‍: ആഭ്യന്തര ടെന്നിസ് ടൂര്‍ണ്ണമെന്റുകളില്‍ നിന്ന് ട്രാന്‍സ്‌ജെന്‍ഡര്‍ വനിതകളെ വിലക്ക് ബ്രിട്ടന്‍. അടുത്ത മാസം മുതല്‍ തീരുമാനം പ്രാബല്യത്തില്‍ വരും. നിലവില്‍ ട്രാന്‍സ്‌ജെന്‍ഡര്‍ വനിതകള്‍ക്ക് ബ്രിട്ടനില്‍ കളിക്കാം. എന്നാല്‍ ജനുവരി 25 മുതല്‍ ഈ തീരുമാനത്തില്‍ മാറ്റം ഉണ്ടാവും.ജന്‍മം കൊണ്ട് സ്ത്രീയായവര്‍ക്ക് മാത്രമേ ആഭ്യന്തര ടൂര്‍ണ്ണമെന്റുകളില്‍ കളിക്കാനാവൂ. ലീഗുകള്‍, ടൂര്‍ണ്ണമെന്റുകള്‍, മറ്റ് ക്ലബ്ബ് തല മല്‍സരങ്ങള്‍, ദേശീയ ചാംപ്യന്‍ഷിപ്പുകള്‍ എന്നിവയില്‍ ട്രാന്‍സ്‌ജെന്‍ഡര്‍ വനിതകള്‍ക്ക് ഇനിമുതല്‍ കളിക്കാന്‍ കഴിയില്ല. എന്നാല്‍ വിബിള്‍ഡണ്‍, മറ്റ് ഇന്റര്‍നാഷണല്‍ ടൂര്‍ണ്ണമെന്റുകള്‍ എന്നിവയില്‍ ഈ തീരുമാനം ബാധകമാവില്ല. നിലവില്‍ ട്രാന്‍സ്‌ജെന്‍ഡര്‍ വനിതകള്‍ക്ക് ഡബ്ല്യൂടിഎ-ഐടിഎഫ് ഇവന്റുകളിലും ട്രാന്‍സ്‌ജെന്‍ഡര്‍ വനിതകള്‍ക്ക് കളിക്കാം.
തീരുമാനത്തെ വനിതാ ടെന്നിസ് ഇതിഹാസം മാര്‍ട്ടിനാ നവരത്‌നലോവ സ്വാഗതം ചെയ്തു. ലോണ്‍സ് ടെന്നിസ് അസോസിയേഷന്റെ തീരുമാനത്തെ താന്‍ സ്വാഗതം ചെയ്യുന്നു. അമേരിക്കയും മറ്റ് രാജ്യങ്ങളും സമാനമായ തീരുമാനങ്ങള്‍ സ്വീകരിക്കണമെന്നും നവരത്‌നലോവ പറഞ്ഞു.