ടാങ്കര്‍ ലോറി ഇടിച്ച് ബൈക്ക് യാത്രക്കാരനായ വിദ്യാര്‍ത്ഥിക്ക് പരിക്ക്

മാള: കൊമ്പൊടിഞ്ഞാമാക്കലില്‍ ടാങ്കര്‍ ലോറി ഇടിച്ച് ബൈക്ക് യാത്രക്കാരനായ വിദ്യാര്‍ത്ഥിക്ക് പരുക്കേറ്റു. തുമ്പൂര്‍ മുക്കാട്ടുകരക്കാരന്‍ ബിജുവിന്റെ മകന്‍ ആല്‍ബി(21) നാണ് പരുക്കേറ്റത്. എറണാകുളത്തേക്ക് പഠനാവശ്യത്തിന് പോകുമ്പോഴായിരുന്നു അപകടം സംഭവിച്ചത്. കൊമ്പൊടിഞ്ഞാമാക്കല്‍ സെന്ററില്‍ മറ്റ് വാഹനങ്ങള്‍ കടന്നുപോകുന്നതിനായി ബൈക്ക് നിര്‍ത്തിയ സമയത്താണ് അതേ ദിശയില്‍ നിന്ന് എത്തി ആളൂര്‍ റോഡിലേക്ക് തിരിയാനിരുന്ന ടാങ്കര്‍ ലോറി ഇടിച്ചതെന്നാണ് സൂചന. വലതുകാലില്‍ മുട്ടിനു കീഴ്ഭാഗത്ത് ചക്രം കയറിയതായാണ് അറിയുന്നത്. കാലില്‍ ഗുരുതര പരിക്കുകളോടെ ആല്‍ബിനെ ആലുവയിലെ സ്വകാര്യ ആശുപത്രിയില്‍ പ്രവേശിപ്പിച്ചിരിക്കയാണ്.