കൊലക്കേസ് പ്രതിയെ പോലിസിനു കൈമാറിയ ഓട്ടോഡ്രൈവര്‍ക്കും സുഹൃത്തിനും അനുമോദനം

പെരിന്തല്‍മണ്ണ:ഏലംകുളം തെക്കുംപുറം ചെമ്മാട്ടില്‍ ദൃശ്യ ( 21 )യെ കൊലപ്പെടുത്തിയ ശേഷം രക്ഷപ്പെടാന്‍ ശ്രമിച്ച പ്രതി വിപിന്‍ വിനോദിനെ വിദഗ്ധമായി പെരിന്തല്‍മണ്ണ പോലീസ് സ്റ്റേഷനിലെത്തിച്ച ഓട്ടോ ഡ്രൈവര്‍ ജൗഹറിനും സുഹൃത്ത് സുബിനും അനുമോദനവുമായി ഏലംകുളം സര്‍വ്വീസ് സഹകരണ ബാങ്ക്.

നാടിനെ നടുക്കിയ കൊലപാതകത്തിനു ശേഷം തന്റെ ഓട്ടോയില്‍ കയറിയ പ്രതിയെ തിരിച്ചറിഞ്ഞ ജൗഹര്‍ മനഃസാന്നിധ്യം കൈവിടാതെ സുഹൃത്ത് സുബിന്റെ സഹായത്തോടെ പെരിന്തല്‍മണ്ണയിലെത്തിച്ച് പോലീസിന് കൈമാറിയിരുന്നു.

ഇരുവരെ.ുംഏലംകുളം പൗരാവലിയും ഏലംകുളം സര്‍വീസ് സഹകരണ ബാങ്കും അനുമോദിച്ചു. ഡിവൈഎസ്പി കെ എം ദേവസ്യയും ഇവരെ അഭിനന്ദിച്ചു. ഇരുവര്‍ക്കമുള്ള ബാങ്കിന്റെ കാഷ് അവാര്‍ഡും പൊന്നാടയും ഡിവൈഎസ്പി സമ്മാനിച്ചു. ബാങ്ക് പ്രസിഡണ്ട് ഗോവിന്ദ പ്രസാദ്, വൈസ് പ്രസിഡന്റ് എന്‍.വാസുദേവന്‍, ഭരണ സമിതി അംഗങ്ങള്‍, ബാങ്ക് ജീവനക്കാര്‍ പങ്കാളികളായി.