ഗായകന്‍ കുമാര്‍ സാനുവിന് കൊവിഡ് സ്ഥിരീകരിച്ചു

ന്യൂഡല്‍ഹി: പ്രശസ്ത ഗായകന്‍ കുമാര്‍ സാനുവിന് കൊവിഡ് സ്ഥിരീകരിച്ചു. അദ്ദേഹത്തിന്റെ ഒഫീഷ്യല്‍ ഫെയ്‌സ്ബുക്ക് പേജിലാണ് കൊവിഡ് ബാധിച്ച വിവരം പ്രഖ്യാപിച്ചത്. അദ്ദേഹത്തിന് 62 വയസ്സാണ്.

നിര്‍ഭാഗ്യവശാല്‍ സാനുദയ്ക്ക് കൊവിഡ് സ്ഥിരീകരിച്ചിരിക്കുന്നു. അദ്ദേഹത്തിന്റെ ആരോഗ്യത്തിനു വേണ്ടി പ്രാര്‍ത്ഥിക്കുക. നന്ദി-അദ്ദേഹത്തിന്റെ നേതൃത്വത്തിലുള്ള സംഗീതസംഘത്തിലെ അംഗങ്ങള്‍ ഫെയ്‌സ്ബുക്കില്‍ കുറിച്ചു.

കുമാര്‍ സാനുവിന്റെ രോഗബാധ ലക്ഷണങ്ങളില്ലാത്തതാണോ അതോ ലക്ഷണങ്ങളോടുകൂടിയാണോ എന്ന കാര്യം എഫ് ബി പോസ്റ്റില്‍ വ്യക്തമാക്കിയിട്ടില്ല.

രോഗബാധയുടെ വിവരം പുറത്തുവിട്ടതിനു പിന്നാലെ അദ്ദേഹത്തിന് ആരോഗ്യം നേര്‍ന്നുകൊണ്ട് വലിയ സന്ദേശപ്രവാഹമാണ് പേജില്‍ നടക്കുന്നത്.