സോഷ്യല്‍ ഫോറം സീബില്‍ കൊവിഡ് വാക്‌സിനേഷന്‍ ക്യാംപ് സംഘടിപ്പിച്ചു

മസ്‌കത്ത്: സ്വാതന്ത്ര്യ ദിനാഘോഷത്തിന്റെ ഭാഗമായി സോഷ്യല്‍ ഫോറം ഒമാന്‍ സീബ് ഘടകം, മബെല മോഡേണ്‍ അല്‍ സലാമ ഹോസ്പിറ്റലിന്റെ സഹകരണത്തോടെ കൊവിഡ് വാക്‌സിനേഷന്‍ ക്യാംപും ബോധവല്‍ക്കരണ പരിപാടിയും സംഘടിപ്പിച്ചു.

മോഡേണ്‍ അല്‍ സമാ പോളിക്ലിനിക് മാനേജിങ് ഡയറക്ടര്‍ സിദ്ധിഖ് ഉദ്ഘാടനം നിര്‍വഹിച്ചു. സോഷ്യല്‍ ഫോറം ഒമാന്‍ സീബ് ഘടകം പ്രതിനിധി അബ്ദുല്‍ സലീം വടകര അധ്യക്ഷതവഹിച്ചു. മെഡിക്കല്‍ ഡയറക്ടര്‍ ഡോക്ടര്‍ റഷീദ് അലി അതിഥിയായി. ഹനീഫ് ബന്ത്വാള്‍ സ്വതന്ത്ര്യ ദിനസന്ദേശം നല്‍കി.

തുടര്‍ന്ന് അര്‍ഹതപ്പെട്ടവര്‍ക്ക് സൗജന്യവാക്‌സിന്‍ നല്‍കി മധുര വിതരണവും നടന്നു. സോഷ്യല്‍ ഫോറം ഒമാന്‍ സീബ് ഘടകം ഭാരവാഹികളയാ റാഫി മലപ്പുറം, നവാസ്, ബഷീര്‍ സീബ്, ഫിനാസ് എം സി മുഹയിദ്ദീന്‍ സംസാരിച്ചു.