- Home
- Latest News
- news line
- Districts
- Kerala
- India
- World
- Sports
- Videos+
- Arogyathejas
- Around The Globe
- Bomb Squad
- Charithrapadham
- Cinimayude Varthamanam
- Cut 'n' Right
- Editors Voice
- Hridaya Thejas
- In Focus
- In Quest
- India Scan
- Kalikkalam
- Marupaksham
- NEWS LINE
- Nireekshanam
- Pusthakavicharam
- RAMADAN VICHARAM
- Samantharam
- Shani Dasha
- Swathwa Vicharam
- Vazhivelicham
- VideoNews
- World in Words
- Yathra
- voice over
- Sub Lead
തെരഞ്ഞെടുപ്പ്: പെരുമാറ്റച്ചട്ടവും കൊവിഡ്- ഹരിത പ്രോട്ടോകോളും കര്ശനമായി പാലിക്കണമെന്ന് വയനാട് ജില്ലാ കളക്ടര്
കല്പ്പറ്റ: തദ്ദേശ സ്ഥാപന തെരഞ്ഞെടുപ്പ് പ്രക്രിയയില് മാതൃകാ പെരുമാറ്റച്ചട്ടം കര്ശനമായി പാലിക്കണമെന്ന് ജില്ലാ തിരഞ്ഞെടുപ്പ് ഉദ്യോഗസ്ഥ കൂടിയായ ജില്ലാ കളക്ടര് ഡോ. അദീല നിര്ദ്ദേശം നല്കി. തെരഞ്ഞെടുപ്പിനു മുന്നോടിയായി കലക്ടറേറ്റില് രാഷ്ട്രീയപാര്ട്ടി പ്രതിനിധികളുടെ യോഗത്തില് സംസാരിക്കുകയായിരുന്നു കളക്ടര്. ഹരിത പ്രോട്ടോകോളും കൊവിഡ് മാനദണ്ഡങ്ങളും പൂര്ണമായി പാലിച്ചാണ് തിരഞ്ഞെടുപ്പ് പ്രചാരണ പരിപാടികള് നടത്തേണ്ടത്. മദ്യം, പണം, ഭീഷണി എന്നിവ ഉപയോഗിച്ച് വോട്ടര്മാരെ, പ്രത്യേകിച്ച് ആദിവാസി മേഖലയിലുള്ളവരെ സ്വാധീനം ചെലുത്തുന്ന സാഹചര്യമുണ്ടായാല് നിയമപരമായ നടപടികള് സ്വീകരിക്കുമെന്നും ജില്ലാ കളക്ടര് അറിയിച്ചു.
കൊവിഡ് പ്രതിസന്ധിയില് പൊതുജനങ്ങള് വോട്ട് ചെയ്യാന് വിമുഖത കാണിക്കുന്ന സാഹചര്യം ഉണ്ടാവാന് പാടില്ല. എല്ലാവരെയും പോളിങ് ബൂത്തുകളില് എത്തിക്കാന് കഴിയണം. ഈ സാഹചര്യങ്ങളില് പരമാവധി ആളുകളെ തിരഞ്ഞെടുപ്പ് പ്രക്രിയയുടെ ഭാഗമാക്കുന്നതിന് എല്ലാ രാഷ്ട്രീയ പാര്ട്ടി പാര്ട്ടികളുടെയും സഹകരണം ജില്ലാ കളക്ടര് അഭ്യര്ത്ഥിച്ചു.
തെരഞ്ഞെടുപ്പിനുള്ള വോട്ടിങ് മെഷീനുകള് ഇതിനോടകം സജ്ജമായിട്ടുണ്ട്. വരണാധികാരികള്ക്കും ഉദ്യോഗസ്ഥര്ക്കും ആവശ്യമായ പരിശീലന പരിപാടികളും പൂര്ത്തിയാക്കി. പോളിംഗ് ഉദ്യോഗസ്ഥരുടെ നിയമനം പുരോഗമിച്ച് വരികയാണ്. യോഗത്തില് ഇലക്ഷന് ഡെപ്യൂട്ടി കളക്ടര് കെ. ജയപ്രകാശ്, മാതൃകാ പെരുമാറ്റച്ചട്ടം നോഡല് ഓഫിസര് കൂടിയായ ഡെപ്യൂട്ടി കളക്ടര് മുഹമ്മദ് യൂസഫ്, വിവിധ രാഷ്ട്രീയപാര്ട്ടി പ്രതിനിധികള് തുടങ്ങിയവര് പങ്കെടുത്തു.
പൊതുവായ നിര്ദേശങ്ങള്:
- ജാതിയുടെയും സമുദായത്തിന്റെയും പേരില് വോട്ടു തേടാന് പാടില്ല. മോസ്ക്കുകള്, ക്ഷേത്രങ്ങള്, ചര്ച്ചുകള്, മറ്റ് ആരാധനാ സ്ഥലങ്ങള്, മത സ്ഥാപനങ്ങള് എന്നിവ തിരഞ്ഞെടുപ്പ് പ്രചാരണത്തിനുള്ള വേദിയായി ഉപയോഗിക്കരുത്.
- ഒരു വ്യക്തിയുടെ സ്ഥലം, കെട്ടിടം, മതില് തുടങ്ങിയവ അയാളുടെ അനുവാദം കൂടാതെ കൊടിമരം നാട്ടുന്നതിനോ, ബാനറുകള് കെട്ടുന്നതിനോ, പരസ്യം ഒട്ടിക്കുന്നതിനോ, മുദ്രാവാക്യങ്ങള് എഴുതുന്നതിനോ ഉപയോഗിക്കാന് പാടില്ല.
- പൊതുജനങ്ങള്ക്ക് അസൗകര്യമോ ശല്യമോ ഉണ്ടാകുന്ന വിധത്തില് പ്രചാരണ സാമഗ്രികള് സ്ഥപിക്കാന് പാടില്ല.
- സര്ക്കാര് ഓഫീസുകളിലും അവയുടെ കോമ്പൗണ്ടിലും പരിസരത്തും ചുവര് എഴുതാനോ പോസ്റ്റര് ഒട്ടിക്കാനോ ബാനര്, കട്ട് ഔട്ട് തുടങ്ങിയവ സ്ഥാപിക്കാനോ പാടില്ല.
- വിദ്യാഭ്യാസ സ്ഥാപനങ്ങളുടെ മൈതാനങ്ങള് തെരഞ്ഞെടുപ്പുമായി ബന്ധപ്പെട്ട രാഷ്ട്രീയ പ്രചാരണങ്ങള്ക്കോ റാലികള്ക്കോ ഉപയോഗിക്കാന് പാടില്ല.
- പരിസ്ഥിതി മലിനീകരണം കണക്കിലെടുത്ത് പ്രചാരണത്തില് പ്ലാസ്റ്റിക്, ഫ്ളക്സ് എന്നിവ ഒഴിവാക്കിയുള്ള പ്രചാരണ സാമഗ്രികള് തയ്യാറാക്കാന് രാഷ്ട്രീയ കക്ഷികളും സ്ഥാനാര്ത്ഥികളും ബാധ്യസ്ഥരാണ്.
RELATED STORIES
ഒരു ആടിനെ കൂടി കൊന്നു; കടുവയെ പിടിക്കാനുള്ള ഊര്ജിത ശ്രമങ്ങള്...
15 Jan 2025 5:28 AM GMTഗുജറാത്തിലെ ഹസ്റത്ത് പഞ്ച് പീര് ദര്ഗ പൊളിച്ചു; കൃഷ്ണഭൂമിയില്...
15 Jan 2025 5:05 AM GMTബോബി ചെമ്മണ്ണൂര് ജയില് മോചിതനായി
15 Jan 2025 4:45 AM GMTസര്ക്കാര് ഓഫീസില് അമ്മക്ക് പകരം ജോലിയെടുത്ത മകന് അറസ്റ്റില്
15 Jan 2025 4:36 AM GMT''ബ്ലഡി ബ്ലിങ്കന്, വംശഹത്യയുടെ സെക്രട്ടറിയാണ് നിങ്ങള്''; ആന്റണി...
15 Jan 2025 3:52 AM GMTഎസ്കലേറ്ററില് നിന്ന് വീണ് മൂന്നുവയസുകാരന് മരിച്ചു
15 Jan 2025 3:34 AM GMT