യുഎഇയില്‍ ഇന്ന് 1,076 പേര്‍ക്ക് കൊവിഡ്

അബുദാബി: യുഎഇയില്‍ 1,076 പേര്‍ക്ക് കൂടി കൊവിഡ് സ്ഥിരീകരിച്ചതായി ആരോഗ്യപ്രതിരോധ മന്ത്രാലയം. ചികിത്സയിലായിരുന്ന 1,649 പേര്‍ രോഗമുക്തി നേടുകയും രണ്ട് പേര്‍ മരിക്കുകയും ചെയ്തു.

പുതിയതായി നടത്തിയ 3,09,026 കൊവിഡ് പരിശോധനകളില്‍ നിന്നാണ് ഇത്രയും രോഗികളെ കണ്ടെത്തിയത്. ഇതുവരെയുള്ള കണക്കുകള്‍ പ്രകാരം ആകെ 7,09,378 പേര്‍ക്ക് യുഎഇയില്‍ കൊവിഡ് സ്ഥിരീകരിച്ചിട്ടുണ്ട്. ഇവരില്‍ 6,90,926 പേര്‍ രോഗമുക്തരാവുകയും 2,020 പേര്‍ മരിക്കുകയും ചെയ്തു. നിലവില്‍ 16,432 കൊവിഡ് രോഗികളാണ് രാജ്യത്തുള്ളത്.