നിപ ലക്ഷണങ്ങളുമായി യുവതി കോഴിക്കോട് മെഡിക്കല്‍ കോളജില്‍; സ്രവ പരിശോധനാ ഫലം ഇന്ന് ലഭിക്കും

കോഴിക്കോട്: നിപ രോഗത്തിന്റെ ലക്ഷണങ്ങളുമായി യുവതിയെ കോഴിക്കോട് മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. മലപ്പുറം സ്വദേശിയായ നാല്‍പതുകാരിയാണ് ചികില്‍സയിലുള്ളത്. സംശയത്തിന്റെ അടിസ്ഥാനത്തില്‍ ഇവരെ പ്രത്യേക വാര്‍ഡിലേക്ക് മാറ്റി. സ്രവം പരിശോധനയ്ക്ക് അയച്ചിട്ടുണ്ട്. പരിശോധനാഫലം ശനിയാഴ്ച രാവിലെ ലഭിക്കും. യുവതിയുടെ നില ഗുരുതരമെന്നാണ് വിവരം. ഒരാഴ്ച മുമ്പാണ് യുവതി കോട്ടക്കലിലെ ആശുപത്രിയില്‍ ചികിത്സ തേടിയത്. പിന്നീട് മസ്തിഷ്‌ക ജ്വരം സ്ഥിരീകരിക്കുകയായിരുന്നു.