തിരുവഞ്ചൂരിന് വധ ഭീഷണി; ടിപി വധക്കേസ് പ്രതികളാവാം ഭീഷണിക്കത്തിന് പിന്നിലെന്ന് പ്രതിപക്ഷം

തിരുവനന്തപുരം: ടിപി ചന്ദ്രശേഖരന്‍ വധക്കേസ് പ്രതികളാവാം തിരുവഞ്ചൂര്‍ രാധാകൃഷ്ണന് ഭീഷണി കത്ത് അയച്ചതെന്ന് പ്രതിപക്ഷം. ഈ ഭീഷണിയെ ഗൗരവത്തോടെ കാണുന്നു. ശക്തമായ അന്വേഷണം വേണം. പരാതിയില്‍ മുഖ്യമന്ത്രി അടിയന്തര നടപടി സ്വീകരിക്കണമെന്ന് പ്രതിപക്ഷ നേതാവ് വിഡി സതീശനും കെ സുധാകരനും ആവശ്യപ്പെട്ടു.

ഇന്ന് രാവിലെയാണ് തിരുവഞ്ചൂര്‍ രാധാകൃഷ്ണന്‍ എംഎല്‍എക്ക് വധഭീഷണിയുമായി ഊമക്കത്ത് അയച്ചത്. എംഎല്‍എ ഹോസ്റ്റല്‍ വിലാസത്തിലാണ് കത്ത് അയച്ചത്. 10 ദിവസത്തിനകം ഇന്ത്യ വിട്ടില്ലെങ്കില്‍ ഭാര്യയെയും മക്കളേയും വകവരുത്തുമെന്നാണ് കത്ത്.

തിരുവഞ്ചൂര്‍ രാധാകൃഷ്ണന്‍ മുഖ്യമന്ത്രിക്ക് പരാതി നല്‍കി. ടിപി വധക്കേസ് പ്രതികളുടെ പ്രതികാരമായിരിക്കാമെന്ന് തിരുവഞ്ചൂര്‍ മാധ്യമങ്ങളോട് പറഞ്ഞു.