കോഴിക്കോട്ട് മകന്‍ അച്ഛനെ കുത്തിക്കൊന്നു

കോഴിക്കോട്: ബാലുശ്ശേരി പാനായിയില്‍ മകന്‍ അച്ഛനെ കുത്തിക്കൊന്നു. ചനോറ അശോകനാണ് മരിച്ചത്. പ്രതിയായ മകന്‍ സുബീഷ് ഒളിവില്‍ പോയി. ഇന്ന് ഉച്ചയോടെയാണ് സംഭവം. വൈകീട്ട് വീട്ടില്‍ ലൈറ്റ് കാണാഞ്ഞതിനെ തുടര്‍ന്ന് അയല്‍വാസി വന്നുനോക്കിയപ്പോഴാണ് രക്തത്തില്‍ കുളിച്ചുകിടക്കുന്ന അശോകനെ കണ്ടത്. മൃതദേഹം കോഴിക്കോട് മെഡിക്കല്‍ കോളേജ് ആശുപത്രിയിലേക്ക് മാറ്റി. മാനസികാസ്വാസ്ഥ്യം പ്രകടിപ്പിക്കാറുള്ള സുബീഷ് ലഹരി ഉപയോഗിച്ചിരുന്നുവെന്നാണ് നാട്ടുകാര്‍ പറയുന്നത്. എട്ട് വര്‍ഷം മുമ്പ് അശോകന്റെ ഭാര്യയെ മറ്റൊരു മകന്‍ കൊലപ്പെടുത്തിയിരുന്നു.