ലോക സഞ്ചാരി മൊയ്തു കിഴിശ്ശേരി അന്തരിച്ചു

മലപ്പുറം: ലോകസഞ്ചാരിയും സാഹിത്യകാരനുമായ മൊയ്തു കിഴിശ്ശേരി (61) അന്തരിച്ചു. പത്താം വയസ്സില്‍ യാത്ര തുടങ്ങിയ മൊയ്തു 43 രാജ്യങ്ങളിലൂടെ സഞ്ചരിച്ചിട്ടുണ്ട്. 20 ഭാഷകള്‍ അറിയാമായിരുന്നു.

കിഡ്‌നി രോഗബാധിതനായി ഏറെക്കാലം ചികിത്സയിലായിരുന്നു.സഞ്ചാര സാഹിത്യകാരന്‍ കൂടിയായ മൊയ്തു ഏഴ് പുസ്തകങ്ങള്‍ എഴുതിയിട്ടുണ്ട്. ഭാര്യ; സോഫിയ. മക്കള്‍: സജ്‌ന, നാദിര്‍ഷാന്‍.