യുവസംവിധായകന്‍ അരുണ്‍ വര്‍മ റെയില്‍വേ ട്രാക്കില്‍ മരിച്ച നിലയില്‍

വടക്കാഞ്ചേരി: യുവ സംവിധായകന്‍ അരുണ്‍ വര്‍മയെ മരിച്ച നിലയില്‍ കണ്ടെത്തി. ജൂലായില്‍ റിലീസിന് ഒരുങ്ങുന്ന 'തഗ് ലൈഫ്' എന്ന ചിത്രത്തിന്റെ സംവിധായകന്‍ ആണ് അരുണ്‍ വര്‍മ. വടക്കാഞ്ചേരി അത്താണി ആനേടത്ത് മഹാവിഷ്ണു ക്ഷേത്രത്തിന് പിറകിലുള്ള റെയില്‍വേ പാളത്തില്‍ ആണ് അരുണ്‍ വര്‍മയുടെ മൃതദേഹം കണ്ടെത്തിയത്. 27 വയസ്സായിരുന്നു പ്രായം. വ്യാഴാഴ്ച രാത്രി മുതല്‍ അരുണിനെ കാണാതായിരുന്നു. അരുണിന് വേണ്ടിയുള്ള തിരച്ചില്‍ തുടരുന്നതിനിടെയാണ് മൃതദേഹം കണ്ടെത്തിയത്.ഷെയിന്‍ നിഗമിനെ കേന്ദ്ര കഥാപാത്രമാക്കിയാണ് തഗ് ലൈഫ് ഒരുക്കിയിരുന്നത്. നാല് വര്‍ഷത്തോളം സിനിമയില്‍ സംവിധാന സഹായിയായി പ്രവര്‍ത്തിക്കുകയായിരുന്നു അരുണ്‍. അത്താണി മിണാലൂര്‍ നടുവില്‍ കോവിലകം രാജവര്‍മയുടേയും ഇന്ദിര വര്‍മയുടേയും മകനാണ് അരുണ്‍. വിബിന്‍ വര്‍മ, അഞ്ജലി വര്‍മ എന്നിവരാണ് സഹോദരങ്ങള്‍.