ബുംറയുടെ പരിക്ക് ഗുരുതരം; ട്വന്റി-20 സ്‌ക്വാഡിലേക്ക് ഷമി വരും

മുംബൈ: പരിക്കിനെ തുടര്‍ന്ന് ഏഷ്യാകപ്പില്‍ നിന്ന് പുറത്തായ പേസര്‍ ജസ്പ്രീത് ബുംറ ലോകകപ്പിന് മുമ്പ് തിരിച്ചെത്തില്ല.താരത്തിന്റെ പരിക്ക് ഗുരുതരമാണെന്നാണ് റിപ്പോര്‍ട്ട്. ഇതോടെ ബുംറയ്ക്ക് ട്വന്റി-20 ലോകകപ്പ് നഷ്ടമാവും.ബുംറയ്ക്ക് പകരമായി മുഹമ്മദ് ഷമി ടീമിലെത്തിയേക്കുമെന്നാണ് റിപ്പോര്‍ട്ട്. ഹര്‍ഷല്‍ പട്ടേലും പരിക്കിനെ തുടര്‍ന്ന് പുറത്താണ്. പിന്നീടുള്ള സെലക്ടേഴ്‌സിന്റെ ഓപ്ഷന്‍ മുഹമ്മദ് ഷമിയാണ്. കഴിഞ്ഞ ട്വന്റി-20 ലോകകപ്പിലാണ് താരം അവസാനമായി ഇന്ത്യയ്ക്കായി കളിച്ചത്.ഷമി ട്വന്റി-20 ടീമില്‍ നിന്ന് പുറത്തായതോടെയാണ് ഹര്‍ഷദീപ് സിങ്, ഹര്‍ഷല്‍ പട്ടേല്‍, ആവേശ് ഖാന്‍ എന്നിവര്‍ ഇന്ത്യന്‍ ടീമില്‍ ഇടം നേടിയത്.