കെ എല്‍ രാഹുലിന് കൊവിഡ്; വിന്‍ഡീസ് പരമ്പരയും നഷ്ടമായേക്കും

മുംബൈ: ഇന്ത്യന്‍ സീനിയര്‍ ഓപ്പണര്‍ കെ എല്‍ രാഹുലിന് കൊവിഡ് സ്ഥിരീകരിച്ചു. ബിസിസിഐയാണ് ഇക്കാര്യം അറിയിച്ചത്. ഇതോടെ 29ന് ആരംഭിക്കുന്ന വെസ്റ്റ്ഇന്‍ഡീസിനെതിരായ ട്വന്റി-20യില്‍ നിന്ന് താരം പുറത്തായേക്കും. ട്വന്റി പരമ്പരയില്‍ ഇന്ത്യയെ നയിക്കേണ്ടിയിരുന്നത് രാഹുലായിരുന്നു. നേരത്തെ ജര്‍മ്മനിയില്‍ ശസ്ത്രക്രിയക്ക് വിധേയനായ താരത്തിന് ഇംഗ്ലണ്ട്, ദക്ഷിണാഫ്രിക്ക പരമ്പരയും നഷ്ടമായിരുന്നു. വിശ്രമത്തിന് ശേഷം ഫിറ്റെനെസ് വീണ്ടെടുത്ത താരം വിന്‍ഡീസിലേക്ക് തിരിക്കാനിരക്കെയാണ് കൊവിഡ് റിപ്പോര്‍ട്ട് ചെയ്ത്.