പോലിസ് നിയമ ഭേദഗതി: നടപടി സ്വീകരിക്കരുതെന്ന് ഡിജിപി; നിയമം പരിഷ്‌കരിക്കുമെന്ന് സര്‍ക്കാര്‍ ഹൈക്കോടതിയില്‍
പരാതി ലഭിച്ചാല്‍ വിവാദ നിയമപ്രകാരം നടപടിയെടുക്കരുതെന്നാണ് ഡിജിപിയുടെ പുതിയ സര്‍ക്കുലറില്‍ ആവശ്യപ്പെട്ടിരിക്കുന്നത്.
തിരുവനന്തപുരം: വിവാദമായ കേരള പോലിസ് ആക്ട് ഭേദഗതിയില്‍ നടപടി സ്വീകരിക്കരുതെന്ന് സംസ്ഥാന പോലിസ് മേധാവിയുടെ നിര്‍ദേശം. പരാതി ലഭിച്ചാല്‍ വിവാദ നിയമപ്രകാരം നടപടിയെടുക്കരുതെന്നാണ് ഡിജിപിയുടെ പുതിയ സര്‍ക്കുലറില്‍ ആവശ്യപ്പെട്ടിരിക്കുന്നത്.
മാധ്യമങ്ങളിലൂടെ അധിക്ഷേപം നേരിട്ടതായുള്ള പരാതികള്‍ ലഭിച്ചാല്‍ പോലിസ് ആസ്ഥാനത്തെ നിയമ സെല്ലുമായി ബന്ധപ്പെടണം. നിയമ സെല്ലില്‍ നിന്നുള്ള നിര്‍ദേശങ്ങള്‍ കിട്ടിയ ശേഷമേ തുടര്‍ നടപടി സ്വീകരിക്കാവു എന്നും സര്‍ക്കുലര്‍ വ്യക്തമാക്കുന്നു. സ്‌റ്റേഷന്‍ ഹൗസ് ഓഫിസര്‍മാര്‍ അടക്കമുള്ളവര്‍ക്കാണ് ഡിജിപി സര്‍ക്കുലറിലൂടെ നിര്‍ദേശം നല്‍കിയത്.
അതേസമയം, പോലിസ് നിയമ ഭേദഗതി പരിഷ്‌കരിക്കാന്‍ തീരുമാനിച്ചതായി സംസ്ഥാന സര്‍ക്കാര്‍ ഹൈക്കോടതിയെ അറിയിച്ചു. പുതിയ നിയമം ചോദ്യം ചെയ്ത് ബിജെപി സംസ്ഥാന അധ്യക്ഷന്‍ കെ സുരേന്ദ്രനും ആര്‍എസ്പി നേതാവ് ഷിബു ബേബി ജോണും സമര്‍പ്പിച്ച ഹര്‍ജികള്‍ ഡിവിഷന്‍ ബെഞ്ച് പരിഗണിച്ചപ്പോള്‍ ആണ് സര്‍ക്കാര്‍ ഇക്കാര്യം അറിയിച്ചത്. നിയമം പരിഷ്‌കരിക്കും വരെ പുതിയ നിയമം നിലനില്‍ക്കുമെങ്കിലും അതിന്റെ പരിധിയില്‍പ്പെടുന്ന കേസുകള്‍ രജിസ്റ്റര്‍ ചെയ്യില്ലെന്നും സര്‍ക്കാര്‍ അറിയിച്ചു. ഹര്‍ജികള്‍ നാളെ വീണ്ടും ഹൈക്കോടതി പരിഗണിക്കും
പെണ്‍കുട്ടിയെ പീഡിപ്പിക്കാന്‍ ശ്രമിച്ചെന്ന പരാതിയില്‍ സിപിഎം...
19 March 2025 4:21 AM GMTന്യൂസിലാന്‍ഡിലെ പൗരത്വം ലഭിച്ചു; ഇന്ത്യ എന്നെഴുതിയ ടി ഷര്‍ട്ട്...
19 March 2025 4:00 AM GMTറോഡില്‍ 'കൊലപാതകത്തിന്റെ' റീല്‍ ചിത്രീകരണം; രണ്ടുപേര്‍ അറസ്റ്റില്‍
19 March 2025 3:32 AM GMTയുവാവിന്റെ തിരോധാനത്തിലെ അന്വേഷണം; സംശയപട്ടികയിലുള്ള യുവാവിന്റെ...
19 March 2025 3:04 AM GMTചെങ്കടലില്‍ യുഎസ് സൈനിക കപ്പലുകളെ ആക്രമിച്ച് ഹൂത്തികള്‍; ഇത് നാലാം...
19 March 2025 2:34 AM GMTയുക്രൈയ്‌നില്‍ സമ്പൂര്‍ണ്ണ വെടിനിര്‍ത്തലിന് ഇല്ലെന്ന് പുട്ടിന്‍;...
19 March 2025 2:10 AM GMT
