2019ല്‍ ഫേസ് ബുക്കിലൂടെ വിദ്വേഷപ്രചാരണം നടത്തിയെന്ന്; ആലപ്പുഴയില്‍ കശ്മീരി യുവാവിനെ കസ്റ്റഡിയിലെടുത്തു

മുഹമ്മ(ആലപ്പുഴ): മൂന്നുവര്‍ഷം മുമ്പ് സാമൂഹിക മാധ്യമങ്ങളിലൂടെ വിദ്വേഷം പരത്തുന്നതും പ്രകോപനപരവുമായ സന്ദേശങ്ങള്‍ പ്രചരിപ്പിച്ചെന്ന് ആരോപിച്ച് ആലപ്പുഴയില്‍ കശ്മീരി യുവാവിനെ കസ്റ്റഡിയിലെടുത്തു. മുഹമ്മയിലെ റിസോര്‍ട്ടില്‍ സെക്യൂരിറ്റി ജീവനക്കാരനായി ജോലി ചെയ്യുന്ന ജാഫര്‍ എന്ന ഷാ(24)യെയാണ് പോലിസ് കസ്റ്റഡിയിലെടുത്തത്. 2019ല്‍ സാമൂഹിക മാധ്യമങ്ങളില്‍ പങ്കുവച്ച പോസ്റ്റുമായി ബന്ധപ്പെട്ട് കേന്ദ്ര ഇന്റലിജന്‍സിന്റെ നിര്‍ദേശ പ്രകാരമാണ് നടപടി. സൈബര്‍ സെല്ലിന്റെയും മറ്റും സഹായത്തോടെ കൂടുതല്‍ തെളിവുകള്‍ ശേഖരിക്കുകയാണെന്ന് പോലിസ് അറിയിച്ചു. ആലപ്പുഴ ജില്ലാ പോലിസ് മേധാവി ജി ജയദേവ് ഉള്‍പ്പെടെ ഉന്നത ഉദ്യോഗസ്ഥര്‍ സ്ഥലത്തെത്തിയിരുന്നു. അതേസമയം, സംഭവത്തില്‍ സമഗ്രാന്വേഷണം വേണമെന്ന് ആവശ്യപ്പെട്ട് ഹിന്ദു ഐക്യവേദിയുടെ നേതൃത്വത്തില്‍ പ്രകടനം നടത്തി.

Kashmiri youth taken into custody in Alappuzha