കൊറോണ ഭീതി: അമേരിക്കയിലും കാനഡയിലും ജുമുഅ റദ്ദാക്കി

ന്യൂയോര്‍ക്ക്: അമേരിക്ക, കാനഡ രാജ്യങ്ങളിലെ മിക്ക പള്ളികളും ജമുഅ ഇനിയൊരറിയിപ്പുണ്ടാകുന്നത് വരെ റദ്ദാക്കി. അമേരിക്കയില്‍ ഈ ആഴ്ച, റദ്ദാക്കിയ വിവരം അറിയാതെ വരുന്നവര്‍ക്കായി 10 മിനുട്ട് ജുമുഅ ഖുത്ബയും നമസ്‌കാരവും നടത്തും. സിങ്കപ്പൂരിലും മിക്ക പള്ളികളിലും ജുമുഅ താല്‍ക്കാലികമായി റദ്ദാക്കിയിട്ടുണ്ട്.

പള്ളികളില്‍ ജുമുഅ നമസ്‌കാരമില്ലാത്തതിനാല്‍ പാര്‍ക്കുകളിലോ വീടുകളിലോ മറ്റോ കൂട്ടം കൂടി നമസ്‌കാരം നടത്താതിരിക്കാന്‍ ശ്രദ്ദിക്കണമെന്നും ഭാരവാഹികള്‍ വിശ്വാസികളെ അറിയിച്ചു.