ഇറ്റ്‌ഫോക്: രണ്ടാംദിനത്തില്‍ മൂന്ന് നാടകങ്ങള്‍ അരങ്ങേറി

തൃശൂര്‍: ഇറ്റ്‌ഫോക് അന്താരാഷ്ട്ര നാടകോത്സവത്തിന്റെ രണ്ടാംദിനത്തില്‍ മൂന്ന് നാടകങ്ങള്‍ അരങ്ങേറി. ഇറാന്‍ നാടകമായ ദ വെല്‍, ശ്രീലങ്കന്‍ നാടകമായ തിത്തകഹാത്ത, ഇംഗ്ലീഷ് നാടകമായ ഡാര്‍ക്ക് തിങ്ങ്‌സ് എന്നീ നാടകങ്ങളാണ് അരങ്ങേറിയത്. നാടകോത്സവവുമായി ബന്ധപ്പെട്ടുള്ള സിനോഗ്രാഫി ഇന്‍ ദ മോഡേണ്‍ തിയ്യറ്റര്‍ പ്രാക്ടീസ് എന്ന വിഷയത്തിലുള്ള സെമിനാര്‍ സാഹിത്യ അക്കാദമിയില്‍ നടന്നു. മൂന്നാംദിനമായ ചൊവ്വാഴ്ച ഇന്ത്യന്‍ നാടകമായ കറുപ്പ്, വിയറ്റ്‌നാമീസ് നാടകമായ വാട്ടര്‍ പപ്പറ്റ്, മലേഷ്യന്‍ നാടകമായ ദ മെയ്ഡ്‌സ് എന്നിവ അരങ്ങേറും.