സാഗര്‍ റാണ കൊലപാതകം; ജയിലില്‍ സുശീല്‍ കുമാറിന് പ്രത്യേക സെല്ല്

ന്യൂഡല്‍ഹി: മുന്‍ ദേശീയ ജൂനിയര്‍ ഗുസ്തി ചാംപ്യന്‍ സാഗര്‍ റാണയെ കൊലപ്പെടുത്തിയ കേസില്‍ ജയിലിലായ ഒളിംപ്യന്‍ സുശീല്‍ കുമാറിനെ പ്രത്യേക സെല്ലില്‍ പാര്‍പ്പിക്കും. ഡല്‍ഹി മണ്ഡോലി ജയിലിലാണ് സുശീല്‍ കുമാറുള്ളത്. സന്ദര്‍ശകരെ കാണാനും അദ്ദേഹത്തിന് അനുമതിയില്ല. സുരക്ഷാ കാരണങ്ങളെ തുടര്‍ന്നാണ് നടപടി.

ഇന്നലെ സുശീല്‍ കുമാറിനെ ഡല്‍ഹി കോടതി 14 ദിവസത്തെ ജുഡീഷ്യല്‍ കസ്റ്റഡിയില്‍ വിട്ടിരുന്നു.മെയ് നാലിനാണ് സുശീല്‍ കുമാര്‍ ഉള്‍പ്പടെയുള്ള സംഘം സാഗര്‍ റാണയെ അക്രമിച്ചത്. ഇടുത്ത ദിവസം ഇയാള്‍ മരിച്ചു.സുശീല്‍ കുമാറിന്റെ ഫ്‌ളാറ്റില്‍ വാടകക്കാരനായ സാഗര്‍ റാണ ഒഴിയുന്നത് സംബന്ധിച്ച തര്‍ക്കമായിരുന്നു അക്രമത്തിനു കാരണമെന്നാണ് പോലിസ് പറയുന്നത്.