ദേശീയപാതയിലെ കുഴിയില്‍വീണ് സ്‌കൂട്ടര്‍ യാത്രികര്‍ക്ക് പരിക്ക്

കോഴിക്കോട്:ദേശീയ പാതയിലെ കുഴിയില്‍ വീണ് സ്‌കൂട്ടര്‍ യാത്രികര്‍ക്ക് പരിക്ക്. താമരശ്ശേരിക്ക് സമീപം വാവാട് ദേശീയപാതയിലെ കുഴിയില്‍ വീണാണ് പരിക്കേറ്റത്. വാവാട് ഇരുമോത്തെ പച്ചക്കറി വ്യാപാരിയായ സലീം, ഭാര്യ സുബൈദ എന്നിവര്‍ക്കാണ് പരിക്കേറ്റത്.

രാവിലെ 6.15 ഓടെയായിരുന്നു അപകടം.സ്‌കൂട്ടറിന് പിന്നാലെ വന്ന ലോറിക്ക് അടിയില്‍ നിന്ന് തലനാരിഴയ്ക്കാണ് ഇവര്‍ രക്ഷപ്പെട്ടത്. സാരമായി പരിക്കേറ്റ ദമ്പതികളെ കോഴിക്കോട് മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചിരിക്കുകയാണ്.

കഴിഞ്ഞദിവസം താമരശ്ശേരി ചുങ്കത്ത് ഓട്ടോറിക്ഷ ഗട്ടറില്‍ ചാടി അപകടത്തില്‍പ്പെട്ട് ഡ്രൈവര്‍ക്ക് സാരമായി പരിക്കേല്‍ക്കുകയും, ഒട്ടോ തകരുകയും ചെയ്തിരുന്നു.റോഡിന്റെ ശോചനീയീവസ്ഥയാണ് അപകടങ്ങള്‍ക്ക് കാരണം.